524.89
7.4
476.57
+7
Եղանակը Երևանում
Հայ

«ԶԼՄ–ների մասին» օրենքի լրացումների նախագիծն առաջացրել է Ժուռնալիստների միության դժգոհությունը

17:16
01 Հուլիսի 2019

ԵՐԵՎԱՆ, 1 հուլիսի./Նովոստի–Արմենիա/. Հայաստանի արդարադատության նախարարությունը նորմատիվ ակտերի www.e-draft.am նախագծերի միասնական պորտալում հրապարակել է մի շարք օրենքներում, այդ թվում` «ԶԼՄ–ների մասին» օրենքում փոփոխություններ և լրացումներ կատարելու մասին նախագիծը։

Արդարադատության նախարարության պարզաբանումները

«Ի պատասխան մասնագիտական շրջանակում տարածված մտահոգության՝ հայտնում ենք, որ նշված օրենքով նախատեսվող փոփոխությամբ որևէ ԶԼՄ-ի չի պարտադրվում հաշվառվել: Հաշվառումը նախատեսվել է մեկ նպատակով՝ նույնականացնել այն լրատվամիջոցներին, որոնք կկարողանան անվճար օգտվել Ռեգիստրի տվյալների բազայից»,– նշվում է Արդարադատության նախարարության հաղորդման մեջ։

Գերատեսչությունում նշել են նաև, որ եթե մասնագիտական հանրությունը շարունակում է ԶԼՄ-ների մասով որևէ խնդիր տեսնել, ապա Արդարադատության նախարարությունը բաց է քննարկման համար և սպասում է կառուցողական առաջարկների:

«Միևնույն ժամանակ տեղեկացնում ենք, որ www.e-draft.am հարթակը ստեղծվել է պետական մարմինների կողմից ներկայացված նախագծերը հանրային քննարկման ներկայացնելու և մասնագիտական շրջանակից կարծիք ստանալու համար»,– նշվում է գերատեսչության հաղորդման մեջ։

Ժուռնալիստների միության դիրքորոշումը

Տվյալ նախաձեռնությունը մտահոգություն է առաջացրել Ժուռնալիստների միության շրջանակում, որը հանդես է եկել հայտարարությամբ։

Հայտարարության մեջ նշվում է, որ մտահոգիչ է այն հանգամանքը, որ նախագիծը մինչ e-draft.am-ում հանրային քննարկման ներկայացնելը նախապես չի քննարկվել շահագրգիռ անձանց (ԶԼՄ-ների և լրագրողական համայնքի) հետ։ «Խորապես համոզված ենք, որ զանգվածային լրատվության միջոցներին վերաբերող ցանկացած նախագիծ նախ և առաջ պետք է քննարկվի և համաձայնեցվի ԶԼՄ-ների և լրագրողների հետ»,– նշվում է հաղորդման մեջ։

Հայտարարության հեղինակները նշում են նաև, որ նախագիծը վերաբերում է միայն նյութական կրիչի վրա թողարկվող (թղթային) ԶԼՄ-ներին և որևէ կերպ չի կարգավորում այն ԶԼՄ-ների գործունեությունը, որոնք իրենց գործունեությունն իրականացնում են բացառապես օնլայն տիրույթում (օրինակ՝ օնլայն լրատվական կայքեր)։

Նշվում է, որ ՀՀ-ում առկա է թղթային և օնլայն ԶԼՄ-ների կարգավիճակի հավասարեցման խնդիր։
«Այս կապակցությամբ մի շարք ԶԼՄ-ներ դեռևս 2016թ. հայտարարություն են տարածել առ այն, որ թղթային եղանակով լույս տեսնող ԶԼՄ-ները ներկայումս գտնվում են անհավասար մրցակցային վիճակում՝ համեմատած օնլայն ԶԼՄ-ների հետ, որոնց մի մասը գործում է անվերահսկելի դաշտում, չունի իրավական կարգավիճակ և զբաղվում է գրագողությամբ։»,– ասվում է հայտարարության մեջ։

Այս կապակցությամբ նշվում է, որ եկել է օնլայն լրատվամիջոցների դաշտը կարգավորելու ժամանակը, իսկ «քննարկվող նախագիծը ոչ միայն չի լուծում առկա խնդիրները, այլև ևս մեկ անգամ անհավասարության նշան է դնում թղթային եղանակով լույս տեսնող ԶԼՄ-ների և օնլայն ԶԼՄ-ների միջև»։

Հայտարարությունում ընդգծվում է, որ ԶԼՄ-ների հաշվառման համակարգը պետք է լինի ավելի ճկուն, քան նախագծով առաջարկվող համակարգն է։ -0-

Թեմատիկ նյութեր
Բաժնի այլ նյութեր
20:45
15 Հոկտեմբերի 2019
Մասնավոր ընկերության կողմից սննդի ապահովման փորձնական ծրագիր` «Նուբարաշեն» ՔԿՀ-ում (ՖՈՏՈ)
«Նուբարաշեն» ՔԿՀ-ում իրականացվում է մասնավոր ընկերության կողմից սննդի ապահովման փորձնական ծրագիր։
19:45
15 Հոկտեմբերի 2019
ԱԱԾ պետական պահպանության ծառայության պետն ազատվել է պաշտոնից
ԱԱԾ պետական պահպանության ծառայության պետ Գրիգորի Հայրապետովն ազատվել է պաշտոնից։
18:16
15 Հոկտեմբերի 2019
Բացվեց Ամերիաբանկի «Էջմիածին» նոր մասնաճյուղը
Երեքշաբթի Արմավիրի մարզի Էջմիածին քաղաքում բացվեց Ամերիաբանկի «Էջմիածին» նոր մասնաճյուղը։
17:44
15 Հոկտեմբերի 2019
Նոր մանրամասներ Արտաշատի դպրոցում գրանցված թունավորման դեպքից
ՀՀ ՔԿ Արարատի մարզային քննչական վարչությունում հարուցվել է քրեական գործ:
16:30
15 Հոկտեմբերի 2019
Հայոց ցեղասպանության թանգարան այցելելը չափազանց հուզիչ էր. Քարդաշյանը կրկին հիշեցրել է Ցեղասպանության մասին (ՖՈՏՈ)
Հայոց ցեղասպանության թանգարան այցելելը չափազանց հուզիչ էր. Քարդաշյանը կրկին հիշեցրել է Ցեղասպանության մասին:
16:07
15 Հոկտեմբերի 2019
Ոստիկանությունը պարզաբանում է տարածել Դավիթ Սանասարյանի մասնակցությամբ գրանցված վրաերթի կապակցությամբ
Ոստիկանությունը պարզաբանում է տարածել Դավիթ Սանասարյանի մասնակցությամբ գրանցված վրաերթի կապակցությամբ:
14:40
15 Հոկտեմբերի 2019
«Արմենիա Վայնը» հյուրընկալեց «Իմ քայլը հանուն Արագածոտնի մարզի» ներդրումային համաժողովը (ՖՈՏՈ)
Միջոցառման մեկնարկին ելույթով է հանդես եկել Հայաստանի վարչապետ Նիկոլ Փաշինյանը
13:15
15 Հոկտեմբերի 2019
Մի վրաերթի պատմություն. ԶԼՄ–ները գրում են Սանասարյանի` երեխային վրաերթի ենթարկելու մասին (ՎԻԴԵՈ)
Analitik.am կայքը նախօրեին գրել է, որ մի քանի օր առաջ Պետական վերահսկողական ծառայության պետ Դավիթ Սանասարյանը երեխայի է վրաերթի ենթարկել։
10:50
15 Հոկտեմբերի 2019
4 անձի մեղադրանք է առաջադրվել «Հայելի» ակումբի վրա հարձակվելու համար
Չորս անձի մեղադրանք է առաջադրվել «Հայելի» ակումբի մասնագիտական օրինական գործունեությանը խոչընդոտելու համար։
08:00
15 Հոկտեմբերի 2019
Երկուշաբթի` հոկտեմբերի 14–ի առավել ուշագրավ նորությունները
«Նովոստի–Արմենիա» գործակալությունը ներկայացնում է երկուշաբթի` հոկտեմբերի 14–ի առավել ուշագրավ նորությունների իր տարբերակը։
21:11
14 Հոկտեմբերի 2019
«Կհեռանամ այն ժամանակ, երբ լրանա իմ պաշտոնավարման ժամկետը». Թովմասյան
Հայաստանի Սահմանադրական դատարանի նախագահը երկուշաբթի լրագրողների հետ հանդիպմանն ասել է, թե երբ կհեռանա պաշտոնից։
20:47
14 Հոկտեմբերի 2019
ՍԴ–ն հրաժարվեց վարույթ ընդունել խորհրդարանի` Հրայր Թովմասյանին լիազորություններից զրկելու նախաձեռնությունը
Հոկտեմբերի 4–ին Ազգային ժողովը փակ գաղտնի քվեարկությամբ ընդունեց ՍԴ նախագահ Հրայր Թովմասյանի լիազորությունները դադարեցնելու հարցով ՍԴ դիմելու նախագիծը: