ԵՐԵՎԱՆ, 25 ապրիլի./Նովոստի–Արմենիա/. Ժողովրդական շարժումը չորեքշաբթի Երևանում անցկացվող բազմահազարանոց հանրահավաքում առաջադրեց ընդդիմության ղեկավար Նիկոլ Փաշինյանի թեկնածությունը Հայաստանի վարչապետի պաշտոնում։
«Ակնկալում ենք, որ խորհրդարանական բոլոր խմբակցությունները կընդունեն միասնական թեկնածուին, ում ընտրեց ժողովուրդը»,– հայտարարեց «Քաղաքացիական պայմանագիր» կուսակցության մամուլի քարտուղար Ռուբեն Ռուբենյանը։
Չորեքշաբթի ժողովրդական շարժմանը միանալու մասին հայտարարեց «Բարգավաճ Հայաստանը» և «Ծառուկյան» դաշինքը։
Նույն օրը ՀՅ Դաշնակցությունը հայտարարություն տարածեց Հայաստանի հանրապետական կուսակցության հետ իշխող կոալիցիայի կազմից դուրս գալու մասին։
Հանրապետությունում ապրիլի 13–ից անցկացվող լայնածավալ բողոքի ակցիաների ֆոնին Հայաստանի վարչապետ Սերժ Սարգսյանը հայտարարեց իր հրաժարականի մասին։ Նույն օրը Հայաստանի նախագահ Արմեն Սարգսյանն ընդունեց կառավարության հրաժարականը։
Նրանից հետո, երբ նախօրեին Հայաստանի վարչապետի պաշտոնակատար Կարեն Կարապետյանը հայտարարեց, որ հրաժարվում է Նիկոլ Փաշինյանի հետ ավելի վաղ ծրագրած բանակցություններից` վերջինիս կողմից նոր պահանջներ ներկայացնելու պատճառով, Փաշինյանը հայտարարեց բողոքի նոր ալիք սկսելու մասին։ Բողոքի երկրորդ ալիքի նպատակը ժողովրդական վարչապետի ընտրությունն է և Հայաստանում ՀՀԿ–ն իշխանությունից զրկելը։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
