Երևանում 2-րդ անգամ կիրականացվեն «Ձյունիկ սառնարան» ՍՊԸ-ի շենքի պայթեցման աշխատանքներ (ՎԻԴԵՈ)
ԵՐԵՎԱՆ, 24 հուլիսի./Նովոստի-Արմենիա/. 2020 թվականի հուլիսի 24-ին, ժամը 17:00-ին «ՆՈՐՏԵԽ ՇԻՆ» սահմանափակ պատասխանատվությամբ ընկերության կողմից կիրականացվեն Երևանի Արշակունյաց պողոտայի 9/2 հասցեում տեղակայված «Ձյունիկ» սառնարանային համալիրի շենքի պայթեցման եղանակով փլեցման աշխատանքներ։ Այս մասին հայտնում է ԱԻՆ-ը:
Նշվում է, որ պայթեցման աշխատանքների ընթացքում Արտակարգ իրավիճակների նախարարության փրկարար ծառայության Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ կիրականացնի հերթապահություն։
Հիշեցնենք, որ հուլիսի 8-ին իրականացվել էր «Ձյունիկ» սառնարանային համալիրի շենքի առաջին պայթեցման աշխատանքները: Ինչպես հաղորդել էր ԱԻՆ–ը, պայթեցման աշխատանքներն իրականացվել են «ՆՈՐՏԵԽ ՇԻՆ» ՍՊԸ–ի կողմից։
Ստորև ներկայացնում ենք բացառիկ կադրեր «Ձյունիկ» սառնարանային համալիրի շենքի առաջին պայթեցման աշխատանքներից: -0-
