«Յանդեքսը» Երևանի բացառիկ համայնապատկեր–քարտեզ է գործարկել
30.11.2016,
21:01
«Յանդեքսը» գործարկել է Երևանի` աշխարհում առաջին համայնապատկեր–քարտեզը:
ԵՐԵՎԱՆ, 30 նոյեմբերի. /Նովոստի–Արմենիա/. «Յանդեքսը» գործարկել է Երևանի` աշխարհում առաջին համայնապատկեր–քարտեզը, հայտնեց «Յանդեքս.Տաքսի»–ի գլխավոր տնօրեն Տիգրան Խուդավերդյանը։
«Հուլիսին «Յանդեքսը» Հայաստանում մի քանի ծառայություն է գործարկել` «Յանդեքս.Քարտեզներ», «Խցանումներ», նավիգացիաներ և տաքսի։ Այսօր դրանց ավելանում է ևս մեկ տարածված սերվիս` «Յանդեքս. Համայնապատկերներ»»,– ասաց Խուդավերդյանը չորեքշաբթի նոր սերվիսի շնորհանդեսի ընթացքում, հայտնում է telecom.arka.am–ը։
Ըստ նրա, մեկ ամսվա ընթացքում «Յանդեքսը» նկարահանել է Հայաստանի, մասնավորապես, Երևանի 12 հազար համայնապատկերներ, նկարահանվել և համացանցում են հրապարակվել մոտ 450 կմ ճանապարհներ։
«Այժմ «Յանդեքս.Քարտեզներ» սերվիսում բրաուզերից կամ «Յանդեքս.Քարտեզներ» բջջային հավելվածի օգնությամբ կարելի է դիտել Երևանի գրեթե ամեն անկյունը և բազմաթիվ տեսարժան վայրեր»,– նշեց Խուդավերդյանը։
Նա ավելացրեց, որ սերվիսը շատ կարևոր է ինչպես սովորական քաղաքացիների համար, ովքեր ևս մեկ անգամ կարող են նայել քաղաքին, այնպես էլ քաղաքից մեկնածների համար, ովքեր ցանկանում են տեսնել, թե ինչպիսին է այն դարձել։
«Սերվիսը նաև կարևոր նշանակություն ունի զբոսաշրջիկների համար, ովքեր ցանկանում են տեսնել, թե որտեղ է գտնվում հյուրանոցը, ինչ դիրք ունի, ինչ տեսք ունի քաղաքը, ուր կարելի է գնալ։ Քարտեզները, համայնապատկերները, խցանումները և նավիգացիաները երկրի և քաղաքի համար շատ կարևոր ենթակառուցվածքային սերվիսներ են, որոնք թույլ են տալիս բիզնեսի և տնտեսության տարբեր բնագավառներին զարգանալ»,– ընդգծեց Խուդավերդյանը։
«Յանդեքսի» քարտագրական սերվիսների ղեկավար Նիկոլայ Կալաշնիկովը, պատասխանելով այն հարցին, թե արդյոք մարդու իրավունքների խախտում չէ այն փաստը, որ համայնապատկեր քարտեզի վրա պատկերված սովորական քաղաքացիների դեմքերը բաց են, նշեց, որ Հայաստանի օրենսդրությունը չի պահանջում «ծածկել» անցորդների դեմքերը։
«Այնուամենայնիվ, այդպիսի տեխնոլոգիա ունենք։ Միշտ կարող ենք անել դա կոնկրետ օգտագործողների խնդրանքով հաշվա ժամերի ընթացքում։ Զանգվածային պահանջարկի դեպքում կարող ենք անել դա միանգամից բոլոր համայնապատկերների համար։ Դա բավականին արագ է արվում»,– ընդգծեց Կալաշնիկովը։
Կալաշնիկովն ընդգծեց նաև, որ քարտեզի վրա բոլոր գրառումները նշված են հայերեն և անգլերեն լեզուներով։ -0-
«Հուլիսին «Յանդեքսը» Հայաստանում մի քանի ծառայություն է գործարկել` «Յանդեքս.Քարտեզներ», «Խցանումներ», նավիգացիաներ և տաքսի։ Այսօր դրանց ավելանում է ևս մեկ տարածված սերվիս` «Յանդեքս. Համայնապատկերներ»»,– ասաց Խուդավերդյանը չորեքշաբթի նոր սերվիսի շնորհանդեսի ընթացքում, հայտնում է telecom.arka.am–ը։
Ըստ նրա, մեկ ամսվա ընթացքում «Յանդեքսը» նկարահանել է Հայաստանի, մասնավորապես, Երևանի 12 հազար համայնապատկերներ, նկարահանվել և համացանցում են հրապարակվել մոտ 450 կմ ճանապարհներ։
«Այժմ «Յանդեքս.Քարտեզներ» սերվիսում բրաուզերից կամ «Յանդեքս.Քարտեզներ» բջջային հավելվածի օգնությամբ կարելի է դիտել Երևանի գրեթե ամեն անկյունը և բազմաթիվ տեսարժան վայրեր»,– նշեց Խուդավերդյանը։
Նա ավելացրեց, որ սերվիսը շատ կարևոր է ինչպես սովորական քաղաքացիների համար, ովքեր ևս մեկ անգամ կարող են նայել քաղաքին, այնպես էլ քաղաքից մեկնածների համար, ովքեր ցանկանում են տեսնել, թե ինչպիսին է այն դարձել։
«Սերվիսը նաև կարևոր նշանակություն ունի զբոսաշրջիկների համար, ովքեր ցանկանում են տեսնել, թե որտեղ է գտնվում հյուրանոցը, ինչ դիրք ունի, ինչ տեսք ունի քաղաքը, ուր կարելի է գնալ։ Քարտեզները, համայնապատկերները, խցանումները և նավիգացիաները երկրի և քաղաքի համար շատ կարևոր ենթակառուցվածքային սերվիսներ են, որոնք թույլ են տալիս բիզնեսի և տնտեսության տարբեր բնագավառներին զարգանալ»,– ընդգծեց Խուդավերդյանը։
«Յանդեքսի» քարտագրական սերվիսների ղեկավար Նիկոլայ Կալաշնիկովը, պատասխանելով այն հարցին, թե արդյոք մարդու իրավունքների խախտում չէ այն փաստը, որ համայնապատկեր քարտեզի վրա պատկերված սովորական քաղաքացիների դեմքերը բաց են, նշեց, որ Հայաստանի օրենսդրությունը չի պահանջում «ծածկել» անցորդների դեմքերը։
«Այնուամենայնիվ, այդպիսի տեխնոլոգիա ունենք։ Միշտ կարող ենք անել դա կոնկրետ օգտագործողների խնդրանքով հաշվա ժամերի ընթացքում։ Զանգվածային պահանջարկի դեպքում կարող ենք անել դա միանգամից բոլոր համայնապատկերների համար։ Դա բավականին արագ է արվում»,– ընդգծեց Կալաշնիկովը։
Կալաշնիկովն ընդգծեց նաև, որ քարտեզի վրա բոլոր գրառումները նշված են հայերեն և անգլերեն լեզուներով։ -0-
Պատճենել հղումը
