ԵՐԵՎԱՆ, 28 հուլիսի. /Նովոստի-Արմենիա/. Հայաստանի մարդու իրավունքների պաշտպան Արման Թաթոյանը շաբաթ օրն այցելել է ՀՀ երկրորդ նախագահ Ռոբերտ Քոչարյանին, հայտնում է օմբուդսմենի գրասենյակի մամուլի ծառայությունը:
Ռոբերտ Քոչարյանը կալանավորի կարգավիճակում գտնվում է ՀՀ արդարադատության նախարարության «Երևան-Կենտրոն» քրեակատարողական հիմնարկում:
Պաշտպանն առանձնազրույց է ունեցել Ռոբերտ Քոչարյանի հետ, ուսումնասիրվել են պահման պայմանները:
Загружается новость ...
"Право"
Բարձրացված մի շարք հարցեր առանձնազրույցից անմիջապես հետո քննարկվել են քրեակատարողական հիմնարկի վարչակազմի հետ և ստացել լուծում:
Ռոբերտ Քոչարյանը քրեակատարողական հիմնարկի ծառայողների վերաբերմունքի վերաբերյալ դժգոհություններ չի ներկայացրել:
«Պաշտպանի աշխատակազմում նախաձեռնված է քննարկման ընթացակարգ՝ օրենքով նախատեսված լիազորությունների շրջանակում անհրաժեշտ քայլեր ձեռնարկելու նպատակով»,- ասվում է հաղորդման մեջ:
Հաղորդագրությունում նշվում է նաև, որ պաշտպանի աշխատակազմը պատրաստակամ է լիարժեք համագործակցել նաև Ռոբերտ Քոչարյանի փաստաբանների հետ:
Շաբաթ լույս գիշերը դատարանը որոշում կայացրեց կալանավորել Հայաստանի նախկին նախագահ Ռոբերտ Քոչարյանին երկու ամսով: -0-
