ԵՐԵՎԱՆ, մայիսի 25. /Նովոստի-Արմենիա/. «Բելավիա» բելառուսական ավիաընկերությունը վերսկսել է Երևան-Մինսկ ուղիղ ավիահաղորդակցությունը։ Այս մասին հինգշաբթի հաղորդել է ՀՀ քաղավիացիայի գլխավոր վարչութան մամուլի ծառայությունը:
Ավիաընկերությունը երկարաժամկետ դադարից հետո Մինսկ-Երևան-Մինսկ առաջին ուղիղ չվերթն իրականացրել է նախօրեին` մայիսի 24-ին:
Հայերը կկարողանան Եգիպտոսում all inclusive փաթեթով հանգստանալ մատչելի պայմաններով>>
Հաղորդագրության համաձայն, ավիաընկերությունը մտադիր է ամառային ժամանակահատվածում շաբաթական երկու չվերթ իրականացնել` չորեքշաբթի և կիրակի օրերին։
«Բելավիա» ավիաընկերությունն արդեն իրականացրել է չվերթեր Երևան-Մինսկ և հակառակ ուղղությամբ: Վերջին նման թռիչքն իրականացվել է 2016 թ-ի փետրվարի 4-ին: -0-