Վերջին զանգից՝ վերջին պար. Արայիկ Հարությանն անդրադարձել է 114 դպրոցի վերջին զանգի աղմկահարույց տեսանյութին (ՎԻԴԵՈ)
17:38
04 Հունիսի 2020
ԵՐԵՎԱՆ, 4 հունիսի./Նովոստի-Արմենիա/. ՀՀ վարչապետ Նիկոլ Փաշինյանն այսօր շարունակում է հանրային վերահսկողության ֆլեշմոբը. նա իր Facebook-յան էջում հրապարակում է օգտատերերի ուղարկած տեսանյութերն ու լուսանկարները՝ պարետի կողմից սահմանված անվտանգության կանոնների աղաղակող խախտումների վերաբերյալ:
Загружается новость ... "Лево"
Եվ այսպես, հրապարկված տեսանյութերից մեկն էլ կրկին մեծ արձագանք է առաջացրել համացանցում, այդ թվում ԿԳՄՍ նախարար Արայիկ Հարությունյանի մեկնաբանությունը:
Փաշինյանի հրապարակած տեսանյութում երևում է, թե ինչպես են 114 դպրոցի շրջանավարտները մայիսի 25-ին նշել վերջին զանգը: Տեսանյութում երևում է, որ ոչ ոք, այդ թվում, դպրոցի տնօրենը չեն պահպանում սոցիալական հեռավորություն և այս շրջանում համավարակի հետևանքով սահմանված կանոնները:
«Մայիսի 25-ին այսպես վերջին զանգ են նշել Երևանի 114 դպրոցի շրջանավարտները։
Հ.Գ. Պարող կինը, պարզվում է, դպրոցի տնօրենն է»,- գրել է վարչապետը հրապարակված տեսանյութին կից:
Դրանից հետո տեսանյութն առաջացրել է Արայիկ Հարությունյանի վրդովմունքը ևս:
«Վերջին զանգից՝ վերջին պար… Ոմանց թվում է, թե երբ մենք նրանց կոչ ենք անում, հորդորում ենք կամ խնդրում ենք, դա մեր թուլության նշանն է: Ամենևին, դա մեր ուժեղ կողմն է, երբ յուրաքանչյուրին դիտում ենք որպես գործընկեր, իսկ հորդորը, կոչը, խնդրանքը համերաշխության ու փոխգործակցության կարևոր բաղադրիչներ են: Բայց եթե ոմանք, այդ թվում՝ 114 դպրոցի ղեկավարությունը, մատների արանքով են նայում այս ամենին, մենք կձեռնարկենք ամենախիստ միջոցները»,- նշել է նախարարը՝ խոսելով հրապարակված տեսանյութի մասին:
Հիշեցնենք, որ Հայաստանում հունիսի 4-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 11221 դեպք, որոնցից 3468-ն` առողջացած, 176-ը` մահվան ելքով: -0-
2024 թվականին եկամուտների հայտարարագիր ներկայացնող քաղաքացիները հայտարարագիր ներկայացնելու համար նախևառաջ պետք է իրականացնեն անձի նույնականացման գործընթաց և ձեռք բերեն էլեկտրոնային ստորագրություն. ՎԻԴԵՈ