Վարդենիսի ՃՏՊ–ից տուժած երկու տարեկան երեխան դուրս է եկել շոկային վիճակից. ԱՆ
02.05.2016,
18:53
Ծովակ գյուղի մոտակայքում տեղի ունեցած ՃՏՊ–ի հետևանքով տուժած երկու տարեկան Հասմիկ Գրիգորյանը բժիշկների ջանքերով դուրս է եկել շոկային վիճակից
ԵՐԵՎԱՆ, 2 մայիսի. /Նովոստի–Արմենիա/. Ծովակ գյուղի մոտակայքում տեղի ունեցած ճանապարհատրանսպորտային պատահարի հետևանքով տուժած երկու տարեկան Հասմիկ Գրիգորյանը բժիշկների ջանքերով դուրս է եկել շոկային վիճակից, հայտնում է Հայաստանի առողջապահության նախարարության մամուլի ծառայությունը։
Նախօրեին երեկոյան, ժամը 22։50–ի սահմանում ողբերգական ավտովթար է տեղի ունեցել Գեղարքունիքի մարզում: Երևան-Վարդենիս ավտոճանապարհի Ծովակ գյուղի վարչական տարածքում բախվել են «Mercedes» մակնիշի ու «Kia» մակնիշի ավտոմեքենաները: Վթարի հետևանքով 6 մարդ տեղում մահացել է։
Մայիսի 1-ի լույս 2-ի գիշերը վթարից հետո ողջ մնացած 2014 թվականի ծնված ուղևորը ռեանիմոբիլով և մասնագետների ուղեկցությամբ, «Սուրբ Աստվածամայր» բժշկական կենտրոն է տեղափոխվել: Այժմ գտնվում է կենտրոնի մանկական վերակենդանացման և ինտենսիվ թերապիայի բաժանմունքում: Երեխայի մոտ առկա է աջ ազդրի կոտրվածք` տեղաշարժով: Ստացել էր նաև գլխուղեղի ցնցում: Փոքրիկը բժիշկների ջանքերի շնորհիվ դուրս է եկել շոկային վիճակից:
Վիճակը գնահատվում է բավարար: Ստանում է կոնսերվատիվ բուժում: ՀՀ առողջապահության նախարար Արմեն Մուրադյանը կենտրոնի տնօրեն Նիկոլայ Դալլաքյանի հետ քննարկել է երեխայի բուժման հետագա քայլերը:
Նախօրեին երեկոյան, ժամը 22։50–ի սահմանում ողբերգական ավտովթար է տեղի ունեցել Գեղարքունիքի մարզում: Երևան-Վարդենիս ավտոճանապարհի Ծովակ գյուղի վարչական տարածքում բախվել են «Mercedes» մակնիշի ու «Kia» մակնիշի ավտոմեքենաները: Վթարի հետևանքով 6 մարդ տեղում մահացել է։
Մայիսի 1-ի լույս 2-ի գիշերը վթարից հետո ողջ մնացած 2014 թվականի ծնված ուղևորը ռեանիմոբիլով և մասնագետների ուղեկցությամբ, «Սուրբ Աստվածամայր» բժշկական կենտրոն է տեղափոխվել: Այժմ գտնվում է կենտրոնի մանկական վերակենդանացման և ինտենսիվ թերապիայի բաժանմունքում: Երեխայի մոտ առկա է աջ ազդրի կոտրվածք` տեղաշարժով: Ստացել էր նաև գլխուղեղի ցնցում: Փոքրիկը բժիշկների ջանքերի շնորհիվ դուրս է եկել շոկային վիճակից:
Վիճակը գնահատվում է բավարար: Ստանում է կոնսերվատիվ բուժում: ՀՀ առողջապահության նախարար Արմեն Մուրադյանը կենտրոնի տնօրեն Նիկոլայ Դալլաքյանի հետ քննարկել է երեխայի բուժման հետագա քայլերը:
Պատճենել հղումը
