Ծառայողական քննություն է սկսվել Ամուլսարի գործով քննչական խմբի ղեկավարի նկատմամբ

ԵՐԵՎԱՆ, 2 սեպտեմբերի./Նովոստի–Արմենիա/. Ամուլսարի հանքավայրի քննչական խմբի ղեկավար, կոռուպցիոն հանցագործությունների, սեփականության դեմ հանցագործությունների և կիբերհանցագործությունների վարչության պետ Յուրի Իվանդյանի նկատմամբ ծառայողական հետաքննություն է սկսվել։ Այս մասին «Նովոստի–Արմենիա» գործակալությանը հայտնեց Հայաստանի քննչական կոմիտեի տեղեկատվության և հասարակայնության հետ կապերի բաժնի պետ Նաիրա Հարությունյանը։

Ինչպես ավելի վաղ հաղորդվել էր, «Ինֆոկոմ» տեղեկատվական հարթակի քննությունը ցույց է տվել, որ Ամուլսարի գործով ՔԿ քննիչ Յուրի Իվանյանի և բնապահպանության նախկին նախարար, Ամուլսարի ծրագրով շրջակա միջավայրի վրա ազդեցության վերաբերյալ դրական եզրակացություն ստորագրած Արամայիս Գրիգորյանի միջև ազգակցական կապ կա։ Այդ տեղեկությունները հաստատեց նաև Հարությունյանը։

Ամուլսարի հանքավայրի աշխատանքը, որի շահագործմամբ զբաղվում է Lydian Armenia ընկերությունը, արդեն կես տարուց ավելի է, ինչ դադարեցված է` Ջերմուկում և Սևանում շրջակա միջավայրի վրա ազդեցության փորձագիտական գնահատական ստանալու նպատակով։

Օգոստոսի 15–ին Հայաստանի քննչական կոմիտեի ղեկավար Հայկ Գրիգորյանը ներկայացրել է միջազգային փորձագիտական խմբի եզրակացությունը, որի համաձայն, բնապահպանական սպառնալիքներ չկան, իսկ հավանականները հնարավոր է վերահսկել քայլերի ձեռնարկմամբ։ ՔԿ–ի կարծիքով, հանքավայրի շահագործումից բնապահպանական սպառնալիքներ չկան, իսկ հավանական ռիսկերը կառավարելի են համապատասխան քայլեր ձեռնարկելու դեպքում։

Ավելի ուշ Փաշինյանը հայտնեց, որ Ամուլսարի հանքավայրի շահագործումը բխում է պետության շահերից։

Օգոստոսի 28–ին վարչապետը տեսակոնֆերանս է ունեցել ELARD–ի ներկայացուցիչների հետ, որի արդյունքներով, նա հայտնեց, որ ի հայտ են եկել նոր հանգամանքներ, որոնք ուսումնասիրման և գնահատականի կարիք ունեն։ -0-