ԵՐԵՎԱՆ, 18 նոյեմբերի./Նովոստի-Արմենիա/. Ժամկետային պարտադիր ծառայողների արձակուրդների և ազատումների վերաբերյալ տեղեկատվությունը կտրամադրվի դեկտեմբերի 1-ից հետո: Այս մասին հայտնել է ՀՀ պաշտպանության նախարար Դավիթ Տոնոյանն ԱԺ-ում պատգամավորների հետ հարցուպատասխանի ժամանակ:
«Հաշվի առնելով այն, որ հիմա իրականացվում են վերաբաշխումներ, Զինված ուժերի վերատեղակայումներ՝ զորահավաքային և ոչ միայն զորահավաքային ռեսուրսի, ժամկետային պարտադիր ծառայողների արձակուրդների և ազատումների վերաբերյալ տեղեկատվությունը կտրամադրվի դեկտեմբերի 1-ից հետո, երբ արդեն կունենանք վերջնական կառուցվածք ու պատկերացում կլինի Զինված ուժերի տեղակայման վերաբերյալ»,- նշել է նախարարը:
«Ավելի ստույգ կտեղեկացնենք դեկտեմբերի 1-ից հետո»,- նշել է Տոնոյանը: -0-