Տեղի է ունեցել Հայաստանի և Ադրբեջանի անհետ կորածների հարցերով հանձնաժողովների ներկայացուցիչների հանդիպումը․ ԱԱԾ
04.06.2025,
11:15
Հայաստանի և Ադրբեջանի ներկայացուցիչները անդրադարձել են անհետ կորածների ճակատագրի պարզաբանմանն առնչվող հարցերին
ԵՐԵՎԱՆ, 4 հունիսի․/Նովոստի–Արմենիա/. Տեղի է ունեցել Հայաստանի և Ադրբեջանի անհետ կորածների հարցերով զբաղվող հանձնաժողովների ներկայացուցիչների հանդիպումը։ Այս մասին հայտնում են ԱԱԾ-ից։
Քննարկման ընթացքում կողմերն անդրադարձել են հակամարտության ընթացքում անհետ կորած անձանց ճակատագրի պարզաբանմանն առնչվող հումանիտար հարցերին։
Հանդիպման շրջանակում դիտարկվել են տեղեկատվության փոխանակման, ինչպես նաև որոնողական աշխատանքների կազմակերպման և համակարգման հնարավորությունները։
Կողմերը շեշտել են հումանիտար ոլորտում շարունակական երկխոսության կարևորությունը և վերահաստատել իրենց պատրաստակամությունը՝ շարունակելու շփումները՝ ի շահ անհետ կորած անձանց ընտանիքների։
Պատճենել հղումը
