Սոչի-Երևան չվերթ է նախատեսվում
ԵՐԵՎԱՆ, 19 մայիսի./Նովոստի-Արմենիա/. Մայիսի 19-ին Սոչի-Երևան չվերթ է նախատեսվում: Այս մասին տեղեկացնում է Քաղաքացիական ավիացիայի կոմիտեն:
«Տեղեկացնում ենք, որ ս. թ. մայիսի 19-ին Հայաստանի Հանրապետության քաղաքացիներին տեղափոխելու նպատակով կիրականացվի Սոչի-Երևան չվերթը Red Wings ավիաընկերության կողմից (ժամանում 19:25)»,- նշվում է կոմիտեի Facebook-յան էջում:
Պարետի ցուցումով ՀՀ Զբոսաշրջության կոմիտեն կուղեկցի ժամանած ուղևորներին դեպի ինքնամեկուսացման վայրեր, այսինքն՝ ուղևորների կողմից նախապես տրված հասցեներ։
«Ուստի խնդրում ենք ժամանող ուղևորների հարազատներին անհարմարություններից զերծ մնալու նպատակով չգալ օդանավակայան»,- նշվում է հայտարարության մեջ:
Հայաստանում մայիսի 19-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 5041 դեպք, որոնցից 2164-ն` առողջացած, 64-ը` մահվան ելքով -0-
