ԱՊՀ սահմանային զորքի ներկայացուցիչները դիտարկում են անցկացնում ղրղզական սահմանի վրա

ԵՐԵՎԱՆ, 3 մարտի. /Նովոստի–Արմենիա/. Սահմանային զորքերի հրամանատարների խորհրդի ԱՊՀ պետությունների արտաքին սահմանների իրավիճակի դիտարկման և վերլուծության խումբն (ՍԶՀԽ) աշխատանքներ է սկսել Ղրղըզստանում, երեքշաբթի ՌԻԱ Նովոստիին է տեղեկացրել Ղրղըզստանի պետական սահմանային ծառայության հասարակայնության և ԶԼՄ–ների հետ կապերի բաժնի ղեկավար Գուլմիրա Բորուբաևան։

Դիտարկման և վերլուծության խումբը Ղրղըզստանում ստեղծվել է 2012թ.–ին` «ԱՊՀ մասնակից պետությունների արտաքին սահմաններին սահմանային անվտանգության ամրապնդմանն ուղղված լրացուցիչ միջոցների մասին» ՍԶՀԽ–ի որոշման համաձայն։ Խմբի անդամները սահմանին տիրող իրավիճակի համատեղ վերլուծություն են իրականացնում, ինչի հիման վրա որոշվում են Կենտրոնական–Ասիական տարածաշրջանում սահմանային անվտանգության հիմնական սպառնալիքները։ Խմբի մշակած տեղեկատվությունը թույլ է տալիս ԱՊՀ պետություններին ձեռնարկել միջոցառումներ` ուղղված արտաքին սահմանների վրա հակաիրավական գործունեության հակազդմանը։

«Խմբի կազմում իրենց ներկայացուցիչներին են ներկայացրել Ղազախստանի, Ղրղըզստանի, Ռուսաստանի սահմանային գերատեսչություններն ու ՍԶՀԽ–ի համակարգող ծառայությունը։ Նրանք համատեղ վերլուծում են սահմանային գերատեսչություններից ստացված տեղեկատվությունը սահմանին տիրող իրավիճակի մասին, ինչի հիման վրա որոշվում են տարածաշրջանում սահմանային անվտանգության հիմնական սպառնալիքները», – տեղեկացրել է նա, հաղորդում է ՌԻԱ Նովոստին։–0–