Վերջին տարիներին ԱՊՀ բնակչության մեկ երրորդը եղել է Ռուսաստանում. Ռոմանդովսկի
ԵՐԵՎԱՆ, 29 ապրիլի. /Նովոստի–Արմենիա/. Վերջին չորս տարում ԱՊՀ բնակչության մեկ երրորդը եղել է Ռուսաստանում, երեքշաբթի ասել է ԴՄԾ ղեկավար Կոնստանտին Ռոմանդովսկին։
«Վերջին չորս տարում մեր երկիր այցելած անձանց քանակը ավելացել է գրեթե 40 տոկոսով։ Մեզ մոտ է եղել ԱՊՀ բնակչության մեկ երրորդը և ԱՊՀ երկրների տնտեսապես ակտիվ հատվածի երկու երրորդը»,– ասել է Ռոմանդովսկին Դաշնային Խորհրդում։
Նախորդ տարի Ռուսաստան է այցելել գրեթե 17.7 միլիոն մարդ։ Այցելության կառուցվածքը գրեթե չի փոխվել։ Շուրջ երեք քառորդը ԱՊՀ բնակիչներ են, ավելի քան 13 տոկոսը` Եվրամիության երկրների քաղաքացիներ, հայտնում է ՌԻԱ Նովոստին։
Միգրացիոն ծառայության տվյալով` Ռուսաստանում այժմ 10.9 միլիոն օտարազգի քաղաքացի է ապրում։ Նրանց այցելության նպատակը տարբեր է` կրթություն, զբոսաշրջություն, մասնավոր այցեր։-0-
