«ՌԻԱ Նովոստին» գործարկել է Have fun with russian նախագիծը՝ ռուսաց լեզվի ուսումնասիրման համար

ԵՐԵՎԱՆ, 1 փետրվարի.  /Նովոստի-Արմենիա/. ՌԻԱ Նովոստին անգլալեզու կայքի հիման վրա գործարկել է Have fun with russian («Ռուսերենը՝ ժպիտով») նախագիծն անգլալեզու օգտագործողների համար, ովքեր խաղերի միջոցով ցանկանում են ռուսաց լեզու սովորել:

«Ռուսաց լեզուն աշխարհի գեղեցիկ լեզուներից մեկն է: Մեր խնդիրն է օգնել ցանկացողներին տիրապետել այդ լեզվին, ցույց տալ, որ խոսել ռուսերեն այդքան էլ դժվար չէ, իսկ սովորել կարելի է թեթև և ուրախ»,- նշել է նախագծի հեղինակը, լեզվաբան, դասախոս և թարգմանիչ Զլատա Կարլովան:

Հեղինակի կարծիքով՝ նախագիծը հավաքել է օտար լեզվի ուսուցման լավագույն մեթոդներն ու տեխնոլոգիաները: Նախևառաջ, այն նախատեսված է անգլալեզու լսարանի համար, բայց կարող է հետաքրքիր լինել նաև ռուսաց լեզվի կրողների համար, նրանց համար, ովքեր հետաքրքրվում են միջմշակութային կապերով և հաղորդակցությամբ, ինչպես նաև նրանց համար, ովքեր այլևս չեն ցանկանում խոսել քարացած ձևերով, այլ ձգտում են պատկերավոր արտահայտել սեփական մտքերը և զգացումները:

Այս կրթական հարթակն ուսուցողական նյութեր կհավաքի «ՌԻԱ Նովոստիի» տեղեկատվական ռեսուրսների հիման վրա: Ենթադրվում է, որ ամենահետաքրքիր նյութերը, տեղեկատվական հաղորդագրությունները, լուսանկարները, տեսանյութերը և նույնիսկ ինֆոգրաֆիկան կօգտագործվեն ուսուցման ընթացքում:

Մուլտիմեդիոն նախագծի առանձնահատկությունն այն է, որ թույլ է տալիս սովորել խաղային տարբերակով՝ վիկտորինաները, պատկերազարդումները, երկխոսությունները, տեսա-լսախաղերը, ռուսական ռոքը և լսավերարարտադրմամբ լուրերը կօգնեն յուրացնել ռուսաց լեզվի քերականական, բառակազմական և հնչյունաբանական նյութը:

Նախագիծը նախատեսված է լեզվական պատրաստվածության տարբեր մակարդակների համար՝ բազայինից մինչև խորացված: -0-