Ռուսական կողմը տեղեկատվություն չունի Մոսկվայի ռեստորաններից մեկում տեղի ունեցած պայթյունից տուժածների մեջ ՀՀ քաղաքացիների առկայության մասին

Ռուսական կողմը տեղեկատվություն չունի Մոսկվայի ռեստորաններից մեկում տեղի ունեցած պայթյունից տուժածների ցուցակում ՀՀ քաղաքացիների առկայության մասին, չորեքշաբթի «Նովոստի-Արմենիա» գործակալությանն է հայտնել Ռուսաստանում ՀՀ դեսպանության մամուլի քարտուղար Էդուարդ Ջամբազյանը:

«Տուժածների թվում ԱՊՀ երկրների քաղաքացիներ կան, բայց ոչ մի հաստատում  չկան, որ նրանց շրջանում Հայաստանի քաղաքացիներ կան»,- ասել է նա:

Ջամբազյանը, սակայն նշել է, որ տուժածների մասին տեղեկատվությունն անընդհատ փոխվում է և ճշտվում, և վերջնական տվյալներ դեռ չկան:

Նա տեղեկացրել է նաև, որ ինչպես նախկինում, հիվանդանոցում են գտնվում պայթյունից տուժած վեց հայերից երեքը՝ 39-ամյա Վիկտորիա և 52-ամյա Սվետլանա Աղաջանովաները, ինչպես նաև երեքամյա Նիկա Աղաջանովան: Երեքն էլ ՌԴ քաղաքացիներ են:

Պայթյունը որոտացել է երկուշաբթի մայրաքաղաքի հարավ-արևմուտքում գտնվող «Il Pittore» իտալական ռեստորանում: Կատարվածի հետևանքով զոհվել են ռեստորանի երկու աշխատակիցները, մայրաքաղաքի հիվանդանոցներում են գտնվում 41 տուժածներից 28-ը: Նրանց մեծ մասը ԱՊՀ հանրապետությունների բնակիչներ են, բայց կան նաև ռուսներ՝ Տուլայի, Վորոնեժի և Մոսկվայի շրջաններից: -0-