Մոսկվայի ոստիկաններն ամանորի գիշերը զանգվածային միջոցառումների վայրերից դուրս չեն հանի հարբած քաղաքացիներին, ովքեր իրենց նորմալ կպահեն, չորեքշաբթի մամուլի ասուլիսի ժամանակ տեղեկացրել է ՆԳՆ Մոսկվայի գլխավոր վարչության հասարակական կարգի պահպանության վարչության պետի տեղակալ Դմիտրի Դեյնիչենկոն, հաղորդում է «ՌԻԱ Նովոստին»:
«Եթե մարդը կորցնի շարժվելու ունակությունը կամ հակառակը՝ իրեն ագրեսիվ պահի, ապա մենք նման քաղաքացիներին դուրս կհանենք զանգվածային միջոցառումներից», - ասել է նա:
Ոստիկաններն ու շտապօգնության աշխատակիցները բուժհաստատություններ կտեղափոխեն այն մարդկանց, ովքեր չափից շատ ալկոհոլ օգտագործելու հետևանքով ի վիճակի չեն լինի ինքնուրույն տեղաշարժվել: Իսկ ագրեսիվ քաղաքացիներին կտանեն ոստիկանության բաժանմունք:
Դեյնիչենկոն խորհուրդ է տվել մոսկվաբնակներին և մայրաքաղաքի հյուրերին չանցնել մի մարդու կողքով, ով այս կամ այն պատճառով անօգնական վիճակում է գտնվում: Նման դեպքերում հարկավոր է ոստիկանություն կամ շտապ օգնություն կանչել:-0-
