ԵՐԵՎԱՆ, 20 դեկտեմբերի. /Նովոստի-Արմենիա/. Անկախ Պետությունների Համագործակցության պետությունների ղեկավարները հստակ դիրքորոշում են արտահայտել Համագործակցության պահպանման և զարգացման վերաբերյալ, երեքշաբթի հայտնել է ԱՊՀ գործադիր կոմիտեի քարտուղար Սերգեյ Լեբեդևը:
«ԱՊՀ-ն անհրաժեշտ է: ԱՊՀ-ն օգտակար է: ԱՊՀ-ն անհրաժեշտ է զարգացնել»,- ասել է նա՝ երեքշաբթի Մոսկվայում կայացած ԱՊՀ ոչ պաշտոնական գագաթնաժողովի ժամանակ արտահայտելով բոլոր մասնակից երկրների առաջնորդների կարծիքը, հաղորդում «ՌԻԱ Նովոստին»:
Ըստ նրա՝ առաջնորդները վերանայել են չորս կազմակերպչական հարցեր և ընդունել են Համագործակցության ձևավորման 20-ամյակին նվիրված հայտարարություն:
Լեբեդևը նաև ընդգծել է, որ ոչ պաշտոնական գագաթնաժողովի ժամանակ բարձր գնահատական է տրվել ԱՊՀ շրջանակներում՝ ազատ առևտրի գոտու մասին իրականացվող համաձայնագրին: -0-
