Ձերբակալվել է «Մոսկվա» առևտրի կենտրոնում հային ծեծի ենթարկած կասկածյալը

ԵՐԵՎԱՆ, 28 նոյեմբերի. /Նովոստի-Արմենիա/. Պահպանության մասնավոր ձեռնարկության աշխատակցի են ձերբակալել Մոսկվայի հարավ-արևելքում գտնվող «Մոսկվա» առևտրային համալիրում ազգությամբ հայի ծեծի ենթարկելու կասկածանքով, ծեծի ենթարկված հայը մահացել է ստացված վնասվածքներից, հաղորդում է ՌԻԱ Նովոստին՝ հղում անելով Ռուսաստանի քննչական կոմիտեի Մոսկվայի գլխավոր քննչական վարչությանը (ԳՔՎ):
38-ամյա Անդրանիկ Գևորգյանի մարմինը հայտնաբերվել է կիրակի առավոտյան  առևտրային համալիրի պահպանության վայրում:

Ինչպես ավելի վաղ ՌԻԱ Նովոստիին տեղեկացրել է Մոսկվայի ԳՔՎ-ի պաշտոնական ներկայացուցիչ Վիկտորիա Ցիպլենկովան, նախնական տվյալների համաձայն՝ տղամարդը մահացել է գանգուղային վնասվածքի հետևանքով: Հարուցվել է քրեական գործ ՌԴ ՔՕ 111-րդ հոդվածի 4-ի մասի հատկանիշներով (առողջությանը ծանր վնաս հասցնելը, որն անզգուշությամբ հանգեցրել է մահվան):

«Համատեղ քննչական գործողությունների և օպերատիվ-որոնողական միջոցառումների արդյունքում հանցագործության կատարման կասկածանքով ձերբակալվել է «Վիտյազ Ռեզերվ» պահպանության մասնավոր ձեռնարկության 42-ամյա աշխատակիցը, ով խոստովանական ցուցմունք է տվել», - նշվում է տեղեկատվության մեջ:
ԳՔՎ-ի տվյալների համաձայն՝ հանցագործությունը կատարվել է անձնական պատճառներով:
ԳՔՎ-ն ծրագրում է կալանավորել կասկածյալին:

Ավելի վաղ Մոսկվայի իրավապահ մարմինների աղբյուրը տեղեկացրել է, որ «Մոսկվա» ԱԿ-ի մոտ զանգվածային ծեծկռտուք է տեղի ունեցել, որի մի քանի մասնակիցներ ձերբակալվել են:-0-