ԵՐԵՎԱՆ, 22 նոյեմբերի. /Նովոստի-Արմենիա/. «ՌԻԱ Նովոստի» միջազգային տեղեկատվության ռուսական գործակալության նախաձեռնությամբ ձևավորվել է «Մոդերատոր» գլխավոր խմբագիրների ակումբը, որը համախբում է հետխորհրդային տարածքի մեդիա ռեսուրսների մենեջերներին, Եվրոպական և ասիական մեդիաների (ԵԱՄՖ) ֆորումի շրջանակներում հայտնել է ԱՊՀ և Բալթյան երկրների ու Վրաստանի խմբագրության ղեկավարի տեղակալ Զախար Վինոգրադովը:
Հետխորհրդային տարածքի մեդիա-մենեջերների արդյունավետ համագործակցության համար ԱՊՀ և Բալթիայի երկրների ու Վրաստանի գլխավոր խմբագիրների «Մոդերատոր» ինտերնետ ակումբի ստեղծման գաղափարը երկուշաբթի ԵԱՄՖ-ի բացման ժամանակ հնչեցրել է «ՌԻԱ Նովոստիի» գլխավոր խմբագրի առաջին տեղակալ Մաքսիմ Ֆիլիմոնովը:
Եվրոպական և ասիական մեդիայի վեցերորդ ֆորումը, որի անփոփոխ կազմակերպիչն է ՌԻԱ Նովոստի մեդիահոլդինգը, անցկացվում է Աստանայում «Անկախության 20 տարիներ՝ ԶԼՄ-ները և հասարակությունը» խորագրով:
Ֆորումին մասնակցում են ԱՊՀ, Բալթյան երկրների և Վրաստանի ԶԼՄ-ների ավելի քան 250 ներկայացուցիչներ, այդ թվում՝ ԶԼՄ-ների ղեկավարներ և հետխորհրդային տարածքի մեդիաարդյունաբերության ականավոր թոփ մենեջերներ, բլոգերներ, փորձագետներ, վերլուծաբաններ:
«Խմբագիրների ակումբի ստեղծման համար անհրաժեշտ բոլոր ընթացակարգերն անցկացված են»,- ասել է Վինոգրադովը՝ ելույթ ունենալով Աստանայում կայացած ԵԱՄՖ ամփոփիչ նիստի ժամանակ:
Միավորման անդամ կարող է լինել ԱՊՀ և Բալթյան երկրների ու Վրաստանի ԶԼՄ-ների ցանկացած ղեկավար, ով կիսում է ակումբի նպատակներն ու խնդիրները:
«Ակումբի անդամակցության մասին՝ ԶԼՄ-ների բոլոր ցանկացող ղեկավարները, ովքեր գտնվում են ԵԱՄՖ-ում, կարող են դիմում ներկայացնել ներգրավվելու համար»,- պարզաբանել է Վինոգրադովը:
ԵԱՄՖ-2011-ի ինֆորմացիոն գործընկերներն են «Միր» միջպետական հեռուստառադիոընկերությունը, «Գոլոս Ռոսիի» ռուսական պետական ռադիոհեռարձակող ընկերությունը, «Նուռ մեդիա» մեդիահոլդինգը, «Ղազախստանսկայա պրավդա» հանրապետական թերթը, «Խաբար» հանրապետական հեռուստաալիքը, ինչպես նաև «Կազինֆորմ» լրատվական գործակալությունը:ԵԱՄՖ-ն առաջին անգամ անցկացվել է «ՌԻԱ Նովոստի» գործակալության կողմից 2006թ.-ին: Միջոցառման նպատակն է համախմբել նախկին ԽՍՀՄ հանրապետությունների լրագրողական միությունները: Այսօր ԵԱՄՖ-ն բացառիկ հարթակ է, որը միակն է հետխորհրդային տարածքում: Այն թույլ է տալիս ԱՊՀ, Բալթյան երկրների և Վրաստանի ԶԼՄ-ների ներկայացուցիչներին քննարկել և կանխատեսել մեդիաոլորտի զարգացման գործընթացները, ինչպես նաև փոխանակվել փորձով:
Ֆորումի աշխարհագրությունը մշտապես ընդլայնվում է: Նախորդ տարի ԵԱՄՖ-ն անցկացվում էր Կիևում: Մինչ այդ չորս տարի անընդմեջ Մոսկվան էր ընդունում մեդիահանրության ներկայացուցիչներին: --0-
Եվրոպական և ասիական մեդիայի ֆորումի հեռարձակումը կարող եք դիտել Facebook-ում
Եվրոպական և ասիական մեդիայի ֆորումի հեռարձակումը կարող եք դիտել Twitter-ում
