ԵՐԵՎԱՆ, 21 նոյեմբերի. /Նովոստի-Արմենիա/. ԶԼՄ-ները, ի տարբերություն բլոգերների, պատմությունն իր բոլոր մանրամասնություններով են ներկայացնում, քանի որ պետք է ստուգեն տեղեկությունը և փորձագիտական գնահատական ստանան, հայտնել է ՌԻԱ Նովոստիի գլխավոր խմբագիր Սվետլանա Միրոնյուկը:
«Նրանք (բլոգերները) կարծիք են հայտնում, որ մենք (ԶԼՄ) պիտի տեղեկությունը ստուգենք: Հավաստի է այն, թե ոչ` մեր անելիքն է…մեր գործն է, ի տարբերություն սովորական շարքային բլոգերի, ով ինչ-որ շարքային նորություն է իմացել, - ստուգելու հնարավորությունը, փորձագիտական գնահատական ստանալն ու առավելագույն համապարփակ պատկերացում տալը»,- ասել է Միրոնյուկը` Աստանայում անցկացվող Եվրոպական և ասիական մեդիաների վեցերորդ ֆորումի կուլուարներում պատասխանելով լրագրողներին հարցերին:
Նա ավելացրել է, որ ոչ մի բլոգեր երբեք չի ներկայացնի պատմության ողջ բազմազանությունը, քանի որ նկարի, տեսահոլովակի, փորձագետների և մնացած բաների համար նրա ուժերը պարզապես չեն ների: «Նա միայնակ է, մեր ուժը` միասնության մեջ»,- ասել է նա:
Միրոնյուկը լրագրողներին ներկայացրել է սոցիալական ցանցերի օգտագործման իր փորձը: «Իմ Facebook-ում ինձ զանգվածային լսարան պետք չէ, ես փառքի չեմ ձգտում, իմ 150 կսմ 200 ընկերներն այն մարդիկ են, որոնց ես անձամբ եմ ճանաչում, և դա նշանակում է, որ նրանց կարծիքն ինձ հետաքրքիր է, կարևոր, դա նշանակում է, որ նրանց նորությունները 100 տոկոսով ինձ հետաքրքրելու են, իսկ նրանց կարծիքն ինձ համար ինչ-որ նյութական գործողությունների պատճառ կհանդիսանան»,- ասել է նա:
Նա ավելացրել է, որ այսօր տեխնոլոգիաները երանգ են հաղորդում զարգացմանը: «Ձեզ դուր է գալիս դա, թե ոչ, եթե մենք խոսում ենք տեխնոլոգիաների մասին, նշանակում է` մենք խոսում ենք ապագայի մասին»,- ասել է ՌԻԱ Նովոստիի գլխավոր խմբագիրը:
«(Դա) չի նշանակում, որ թուղթը կմեռնի, այն պարզապես էլիտար ապրանք կդառնա, ոչ զանգավածային, այլ` էլիտար: Ես ուզում եմ շարունակել նայել գեղեցիկ հանդեսի փայլուն նկարները, ես ուզում եմ ձեռքով դիպչել, ինձ ինտերնետը շոշափելի զգացողություններ չի տալիս»,- նշել է նա:
Միրոնյուկը նաև ուշադրություն է դարձրել նոր տեխնոլոգիաների բացման առումով մարդկանց «սահմանափակության» վրա: «Դա ամենամեծ խնդիրն է, որին օրինակ` ես, հանդիպում եմ: Ես վախենում եմ այդ սահմանափակ վիճակից , այն տարիքային չէ, այն փիլիսոփայական է»,- ավելացրել է ՌԻԱ Նովոստիի գլխավոր խմբագիրը:
«Ես հասկանում եմ, որ արագությունները շատ շուտ են փոփոխվում, հարկավոր է տարեկան մի քանի անգամ վերանայել տեղեկատվության հետ կապված աշխատանքի ներքին կանոնակարգերը»,- կարծում է Միրոնյուկը:
ԵԱՄՖ-2011-ն անցկացվում է Տպագրության և զանգվածային հաղորդակցության դաշնային գործակալության ֆինանսական աջակցությամբ: -0-Ա.Բ.
Եվրոպական և ասիական մեդիայի ֆորումի հեռարձակումը կարող եք դիտել Facebook-ում
Եվրոպական և ասիական մեդիայի ֆորումի հեռարձակումը կարող եք դիտել Twitter-ում
