Ղրղզստանի խորհրդարանը վավերացրել է ռազմական նշանակության արտադրանքի մասին ՀԱՊԿ համաձայնագիրը

Ղրղզստանի խորհրդարանը հինգշաբթի վավերացրել է ռազմական նշանակության արտադրանքի մշակման, արտադրության, շահագործման, վերանորոգման, արդիականացման, շահագործման ժամկետների երկարացման և վերամշակման ոլորտում ՀԱՊԿ անդամ-պետությունների համագործակցության մասին համաձայնագիրը, հաղորդում է «ՌԻԱ Նովոստին»:

«Դրույթը նորմատիվաիրավական հիմք է՝ նախագծային-որոնողական և կիրառական համատեղ ուսումնասիրությունների, հեռանկարային գիտատեխնիկական, տեխնոլոգիական, արտադրական և այլ մշակումների, ինչպես նաև արտաքին-քաղաքական, ռազմական, ռազմատեխնիկական, ռազմատնտեսական և կազմակերպության գործունեության այլ ոլորտներում խնդիրների լուծման ժամանակ տարատեսակ միջոցառումների իրականացման և ֆինանսավորման համար պայմանների ստեղծման նպատակով», - խորհրդարականների առջև ելույթ ունենալիս հայտարարել է  Ղրղզստանի տնտեսական կարգավորման նախարար Ուչկունբեկ Տաշբաևը:

Նրա խոսքերով՝ այս դրույթի ուժի մեջ մտնելը «թույլ կտա պայմաններ ստեղծել՝ համատեղ միջազգային ծրագրերում հանրապետության մասնակցության համար»:

Վավերացման մասին օրենքն ընդունվել է Ղրղզստանի խորհրդարանի կողմից միանգամից երեք ընթերցումներում:-0-