Գրեթե 20 տարվա ընթացքում առաջին անգամ Պետդումայի ընտրություններին կմասնակցեն բոլոր կուսակցությունները. ԿԸՀ

ԵՐԵՎԱՆ, 28 հոկտեմբերի. /Նովոստի-Արմենիա/. ՌԴ ԿԸՀ-ն նախատեսում է «Յաբլոկո» և «Պատրիոտի Ռոսիի» կուսակցությունների ցուցակները գրանցել   վեցերորդ գումարման Պետդումայի պատգամավորների թեկնածուների թվում,  լրագրողներին հայտնել է ԿԸՀ քարտուղար Նիկոլայ Կոնկինը, հաղորդում է «ՌԻԱ Նովոստին»:

«Կենտրոնական ընտրական հանձնաժողովի որոշման նախագծում առաջարկվում է գրանցել այդ կուսակցությունների («Յաբլոկո» և «Պատրիոտի Ռոսիի») ցուցակները... առաջին անգամ՝ 1993թ.-ից ի վեր, բոլոր գրանցված կուսակցությունները մասնակցելու են Պետդումայի ընտրություններին»,- ասել է Կոնկինը:

Նա հիշեցրել է, որ ավելի վաղ ԿԸՀ-ն գրանցել էր հինգ կուսակցությունների՝ ՌԴԿԿ-ի, ՌԴԼԴ-ի, «Սպրավեդլիվոյա Ռոսիա»-ի, «Եդինայա Ռոսիա»-ի և «Պրավոյե դելո»-ի ցուցակները:

Խորհրդարանական ընտրությունները կանցկացվեն դեկտեմբերի 4-ին: -0-