Պետերբուրգում չորս հայի են ձերբակալել՝ ուսանողների առևանգման կասկածանքով

ԵՐԵՎԱՆ, 24 հոկտեմբերի. /Նովոստի-Արմենիա/. Ոստիկանները չորս տղամարդու են ձերբակալել շաբաթ օրը՝ երկու ուսանողների առևանգման և նրանց համար 2,4 միլիոն ռուբլու փրկագին պահանջելու կասկածանքով, հաղորդում է ՌԻԱ Նովոստին՝ հղում անելով մարզային ՔԿՔՎ-ին:

«Առևանգման կասկածանքով 2011 թվականի հոկտեմբերի 22-ին ձերբակալվել են երեք հայ՝ Վարազդատ Գասպարյանը, Միսակ Գասպարյանը, Սերոբ Գասպարյանը, ինչպես նաև նախկինում քրեական պատասխանատվության  ենթարկված դաղստանցի Աբաքար Իբրահիմովը»,- ասվում է հաղորդագրության մեջ:

Քննության տվյալներով, 2011 թվականի հոկտեմբերի 21-ին զինված հանցագործները ներխուժել են «Ֆուէքսպերտ» ընկերության գրասենյակ և առևանգել գլխավոր տնօրենի 24-ամյա օգնականին, ինչպես նաև նրա 28-ամյա ծանոթին: Երկուսն էլ պետերբուրգյան բուհերից մեկի ուսանողներ են:

Չարագործները պահանջել են իրենց փրկագին վճարել 2,4 մլն ռուբլի: Առևանգման մասին ոստիկանություն է դիմել ուսանողներից մեկի մայրը:
Ուսանողներն ազատվել են: այժմ լուծվում է կասկածյալներին կալանավորելու հարցը: Գործը հարուցվել է ՌԴ ՔՕ 2-րդ հոդվածի «ա», «գ», «զ» կետերով (մարդու առևանգում): Հոդվածի այս մասով առավելագույն պատիժը կազմում է 10 տարվա ազատազրկում: -0-