Աչալուրջ ռոստովցին ոստիկանություն է կանչել` ձմերուկը շփոթելով ռումբի հետ

Դոնի Ռոստովի բնակիչներից մեկը երեքշաբթի երեկոյան ոստիկանություն է կանչել` ավտոմեքենայի տակ գտնվող ձմերուկը շփոթելով ռումբի հետ, «ՌԻԱ Նովոստիին» չորեքշաբթի հաորդեց ՆԳՆ քաղաքային վարչության մամուլի ծառայության ներկայացուցիչը:

Անցորդը նկատել է, որ քաղաքի բնակելի թաղամասերից մեկում գտնվող «Շայբա» շուկայի մոտ կայանած մեքենայի տակ ինչ-որ առարկա է դրված: Մոտ հեռավորությունից առարկան զննելու ժամանակ պարզվել է, որ այն ձմերուկ է` «Ուլուխան» գրառումով, - պատմել է գործակալության զրուցակիցը: Աչալուրջ քաղաքացին դեպքի վայր է կանչել ոստիկանության աշխատակիցներին:

Ոստիկանության աշխատակիցները պարզել են, որ ձմերուկ դատարկող առևտրականը վայր է գցել ձմերուկներից մեկը մոտակայքում կայանած ավտոմեքենայի տակ: Ձմերուկը հնարավոր չի եղել հանել մեքենայի տակից, այդ պատճառով ձմերուկի տերը սպասել է ավտոմեքենայի տիրոջը: «Ուլուխան» գրառումը, որը շփոթության մեջ է գցել անցորդին, առևտրականի անունն է: Առևտրականն իր անունն է գրել ձմերուկներից մեկի վրա, և պատահաբար հենց այդ ձմերուկն է գլորվել ավտոմեքենայի տակ:

«Քաղաքացին դրսևորել է քաղաքացուն վայել աչալրջություն, երբ իր համար կասկածելի թվացող փաստի մասին ժամանակին հայտնել է ոստիկանությանը», - նշել է ՆԳՆ քաղաքային վարչության ներկայացուցիչը:-0-