Մոսկվայում ոստիկանները ձերբակալել են ՀՀ բնակչի, ով փորձել է 132 ադամանդ վաճառել

Մոսկվայում օպերատիվ աշխատակիցները ՀՀ բնակչի են ձերբակալել, ով անօրինական կերպով ադամանդներ է վաճառել, չորեքշաբթի «ՌԻԱ Նովոստիին» հայտնեցին Մոսկվայի ՆԳՆ գլխավոր վարչությունից՝ չպարզաբանելով ձերբակալության օրը։

«Չարագործին բռնելու համար կարգապահները մայրաքաղաքի արևմուտքի առևտրական կենտրոններից մեկի տարածքում «առևտրական ծուղակ-կետ» են բացել՝ «Թանկարժեք մեղաների և քարերի գրավատուն» անվամբ։ 

Որպես գրավատան աշխատակից հանդես է եկել ոստիկանը։ Որոշ ժամանակ անց թանկարժեք իրերի վաճառողը գրավատուն է եկել և փորձել է 132 ադամանդ վաճառել։

«Վերահսկողական գնումից անմիջապես հետո նրան ձերբակալել են, իսկ թանկարժեք իրերը փորձաքննության են ուղարկել»,- պատմեցին մայրաքաղաքի գլխամասային գրասենյակից։

Հետախուզության արդյունքների շնորհիվ պարզվել է, որ քարերը թանկարժեք են, դրանց մի մասը նախկինում գտնվել է ոսկերչական զարդերում։

Ձերբակալվածի նկատմամբ քրեական գործ է հարուցվել ՌԴ ՔՕ 191-րդ հոդվածով (բնական թանկարժեք քարերի անօրինական շրջանառություն)։ Առավելագույն պատիժը՝ երեք տարվա ազատազրկում։ -0-