Ձերժինսկում Հայաստանից և Ադրբեջանից մեկնածների միջև տեղի ունեցած ընդհարումը հրաձգության է վերածվել. ԶԼՄ

ԵՐԵՎԱՆ, 26 հուլիսի. /Նովոստի-Արմենիա/. Ձերժինսկում (Նիժեգորոդսկի շրջան) Հայաստանից և Ադրբեջանից մեկնածների միջև տեղի ունեցած ընդհարումը հրաձգության է վերածվել, հաղորդում է «ՆՏԱ-Պրիվոլժեն»՝ վկայակոչելով իրավապահ մարմիններին։

Ըստ գործակալության զրուցակցի՝ միջադեպը տեղի է ունեցել անցած հանգստյան օրերին՝ «Հին Բաքու» սրճարանում։

 «Սրճարան, որտեղ եղել են ադրբեջանական ազգության անձինք, եկել են հայազգի անձինք։ Նրանց միջև վեճ է ծագել, որի ընթացքում եկած տղամարդկանցից մեկը որսորդական զենքից երեք անգամ կրակել է հակառակորդների կողմը։ Կրակոցների հետևանքով պոկվել է նրանցից երկուսի ձախ ձեռքը, իսկ ևս մի տղամարդ ոտքի փափուկ հյուսվածքների վնասվածք է ստացել»,- ասվում է հաղորդագրության մեջ։

Պարբերականը նշում է, որ այդ հանցագործություններն իրագործող կասկածյալը փախել է դեպքի վայրից։ Ներկայումս հաստատվում է նրա անձը։ Տղամարդը հետախուզման մեջ է գտնվում։ Ընդհարման պատճառները պարզվում են։ -0-