Լեռնադահուկային մարզաձևի Եվրոպայի գավաթով մեկնարկել է Օլիմպիադա 2014-ը Սոչիում, «Ռ-Սպորտ» գործակալությանն է ասել ՌԴ սպորտի, տուրիզմի և երիտասարդական քաղաքականության նախարար Վիտալի Մուտկոն։
Եվրոպայի Գավաթի տղամարդկանց փուլը միջազգային թեստային առաջին մրցումն է, որով փորձարկել են Սոչիի օլիմպիական մրցուղին։ Մրցումներին մասնակցում են 60 լեռնադահուկորդներ, որոնցից ութը ներկայացնում են Ռուսաստանը։
«Ես արդեն երկու օր է, ինչ Սոչիում եմ, չէ ո՞ր սրանք օլիմպիական մրցուղու առաջին թեստային մրցումներն են, ես չէի կարող չգալ։ Եթե բոլորովին վերջերս մենք Օլիմպիադայի և օլիմպիական օբյեկտների մասին խոսում էինք միայն վիրտուալ, ապա հիմա կարելի է ասել, որ մեկնարկը տրվել է։ Ըստ էության, մենք արդեն բացել ենք Օլիմպիադան, սկսել ենք Խաղերը»,- ասել է Մուտկոն, հաղորդում է «ՌԻԱ Նովոստին»։
Նախարարն ընդգծել է, որ նրանից, թե ինչպես կանցնի Եվրոպայի Գավաթը, և ինչ գնահատական կստանա Ռուսաստանը, շատ բան է կախված։ «Հետագա բարելավումները մենք կկատարենք ստացված նկատողությունների հիման վրա։ Հաջորդ տարի կանցնի արդեն Աշխարհի գավաթի փուլը։ Առայժմ մարզիկներն ու կազմակերպիչներն ամենալավ տպավորություններն ունեն մրցուղուց, կազմակերպվածությունից։ Եղանակը հիանալի է, երեկ արև չկար, այսօր հայտնվեց։ Ես ինքս էլ շատ գոհ եմ»,- նշել է Մուտկոն։ -0-
