Ուկրաինայի նախագահի կարգադրությամբ Ղրիմի խորհրդարանը կրճատել է նախարարությունների թիվը

ԵՐԵՎԱՆ, 16 փետրվարի. /Նովոստի-Արմենիա/. Ղրիմի ինքնավար հանրապետության Գերագույն խորհուրդը կրճատել է նախարարությունների թիվը  ինքնավարության կառավարությունում՝ 13-ից դարձնելով 9-ը՝ իրականացնելով  իշխանության տեղական մարմինների օպտիմալացման վերաբերյալ Ուկրաինայի նախագահ Վիկտոր Յանուկովիչի կարգադրությունը, հաղորդում է «ՌԻԱ Նովոստին»։

Չորեքշաբթի Ղրիմի խորհրդարանի նիստին նախարարությունների կրճատման վերաբերյալ որոշմանը նիստի դահլիճում գտնվող  83-ից 82 պատգամավոր է աջակցել։ Ընդհանուր առմամբ Ղրիմի Գերագույն խորհրդում 100 պատգամավոր կա։ Որոշումը կայացվել է փաթեթային քվեարկությամբ, առանց քննարկման։

2010թ.-ի դեկտեմբերին Ուկրաինայի նախագահ Վիկտոր Յանուկովիչը եռակի կրճատել է նախարարների կաբինետի անդամների թիվը՝ 24-ից դարձնելով 16 մարդ։ Ավելի ուշ ուկրաինական պետության ղեկավարը հայտնել է, որ վարչական բարեփոխումների երկրորդ փուլը կապված կլինի տարածաշրջաններում իշխանության մարմինների կրճատման հետ: -0-