Վարորդը կծել և ծեծել է ուրալցի ոստիկանին, որը ցանկացել է տուգանել նրան

Սվերդլովսկի մարզի Կրասնոուֆիմսկ քաղաքում «ՎԱԶ-2106» մակնիշի ավտոմեքենայի վարորդը երկուշաբթի կծել և ծեծել է ՃՊԾ տեսուչին, երբ նա փորձել է տուգանել նրան ճանապարհային երթևեկության կանոները խախտելու համար, երեքշաբթի «ՌԻԱ Նովոստիին» հայտնեց մարզային ՆԳԳՎ մամուլի ծառայության ղեկավար Վալերի Գորելիխը։

Ըստ նրա՝ 1992թ.-ին ծնված ավտոսիրողը Կրասնոուֆիմսկի փողոցներից մեկում կանգառից դուսր եկող ավտոբուսին չի զիջել։ ԱՃԵԱՊՏ աշխատակիցները նկատելով դա՝ փորձել են տուգանել վարորդին։

«Ոստիկանների օրինական պահանջներին վարորդը չի ենթարկվել։ Ոստիկաններից մեկի վրա հարձակվելով՝ նա կծել է նրա մատը, որից հետո նստել է ղեկին և փորձել փախչել»,- հայտնեց Գորելիխը։

ԱՃԵԱՊՏ աշխատակիցները հասել են մեքենային։ Ոստիկանների վարկածով՝ վարորդը շարունակել է աղմկել, հարվածել է ՃՊԾ աշխատակցի դեմքին և  բալոնից գազ է փչել նրա աչքերին։ Ոստիկանը հիվանդանոց է տեղափոխվել։

Ոստիկանությունն ավտոսիրողի նկատմամբ վարչական գործ է հարուցել ՌԴ ՎԻՕ 19.3 1 հոդվածով (ոստիկանության աշխատակցի պահանջներին չենթարկվելը), որը մինչև հազար ռուբլու չափով տուգանք կամ մինչև 15 օր ձերբակալում է նախատեսում։ -0-