Մոսկովյան բուհերը պատրաստ են բարձր աշխատավարձ առաջարկել Հայաստանի մասնագետներին

Մոսկովյան բուհերը պատրաստ են Ֆրանսիայի, Մեծ Բրիտանիայի, Կանադայի և Հայաստանի դեցենտներին ամսական 90 հազար ռուբլուց ոչ պակաս աշխատավարձ առաջարկել, հաղորդում է «ՌԻԱ Նովոստին»՝ հղում անելով մայրաքաղաքի աշխատանքի և բնակչության զբաղվածության դեպարտամենտի պաշտոնական պորտալին: 

Հաղորդագրության մեջ նշվում է, որ դեպարտամենտը հրապարակել է 2011թ.-ին արտերկրից մոսկովյան կազմակերպությունների աշխատուժի պահանջարկի վերաբերյալ տվյալները: Նյութերի համաձայնէ ընկերությունների կողմից 26,729 հազար հայտ է ներկայացվել ԱՊՀ-ից, ինչպես նաև Եվրոպայից, Ասիայից, Հյուսիսային և Հարավային Ամերիկայից տարբեր մասնագիտություններով աշխատողներ ներգրավելու մասին:

Նրանց մեջ կան ինչպես խոշոր ռուսական կազմակերպությունները, օրինակ՝ ՌԴ Խնայբանկը և «Վիմպելկոմ» բջջային կապի օպերատորը, այնպես էլ խոշոր արտասահմանյան կորպորացիաների մասնաճյուղեր, ինչպիսիք են «Սամսունգ Էլեկտրոնիկս Կո. Լտդ»-ն և «Մերսեդես Բենց Տրակս Վոստոկ» ԲԲԸ-ն: -0-