ՌԴ Պետդումայի պատգամավոր Աշոտ Եղիազարյանը կարող է չվերադառնալ Ռուսաստան: Այժմ պատգամավորը, որին նրա նախկին գործընկերները մեղադրում են խարդախության մեջ, գտնվում է արտերկրում:
Ինչպես չորեքշաբթի գրում է «Տվոյ դեն» թերթը, Եղիազարյանն իր համար քաղաքական ապաստանի հող է նախապատրաստում: Խորհրդարանի Ստորին պալատի ետնաբեմերում չեն բացառում, որ եթե քաղաքական գործիչը չվերադառնա հայրենիք, ապա նա կարող է զրկվել պատգամավորական անձեռնմխելիությունից և ենթարկվել քրեական պատասխանատվության, մասնավորապես՝ կապված «Մոսկվա» հյուրանոցի գործի հետ:
Եթե Եղիազարյանը ապաստան խնդրի մինչև նրա պատգամավոր-գործընկերների կողմից որևէ որոշում ընդունելը, ապա Ռուսաստանի լիբերալ-դեմոկրատական կուսակցության անդամը կարող է դառնալ արտերկիր փախուստի դիմած առաջին ռուս խորհրդարանականը:-0-
