Ուրբաթ օրը Մոսկվայում ածխագազի խտությունը օդում գրեթե չորս անգամ գերազանցում է թույլատրելի առավելագույն մակարդակը, «ՌԻԱ Նովոստիին» տեղեկացրել է «Մոսէկոմոնիտորինգ» պետական բնապահպանական հաստատության մասնագետը:
Մոսկվայում բնապահպանական իրավիճակի վատացման պատճառը Պոդմոսկովյեում այրվող տորֆավայրերն ու անտառներն են: Մասնագետները բացատրում են, որ մարդկանց առողջության համար գլխավոր վտանգը հիմա օդում առկա 10 միկրոն չափով տարրերն են: Խորը ներթափանցելով շնչառական համակարգ՝ դրանք չեն արտանետվում, այլ կուտակվում են՝ ազդելով մարդու առողջության և կյանքի տևողության վրա:
«Այս պահին աղտոտող նյութերի առավելագույն խտություններն են՝ ածխագազ՝ 3,6 անգամ ավելի է առավելագույն թույլատրելի խտությունից, հավասարակշիռ նյութեր՝ 2,8 անգամ ավելի են առավելագույն թույլատրելի խտությունից, սպեցիֆիկ ածխաջրածիններ՝ 1,5 անգամ ավելի են սովորական մակարդակից», - նշել է բնապահպանը:
Նրա խոսքերով՝ գիշերը ժամը 03:00-ից մինչև առավոտյան 06.00-ն գրանցվել է օդի աղտոտվածության մակարդակի նվազում, սակայն ժամը 06:20-ից մինչև 06:40-ը կայանների մեծամասնությունը կրկին աղտոտվածության կտրուկ աճ է գրանցել:
«Անոմալ տապի և արևոտ եղանակի պատճառով պահպանվում է օզոնի առավելագույն մեկանգամյա և միջին-օրական նորմատիվների բարձրացումը՝ մինչև 4,5 առավելագույն թույլատրելի խտություն», - նշել է գործակալության զրուցակիցը:
Նա ավելացրել է, որ առաջիկա երկու-երեք ժամվա ընթացքում խորհուրդ է տրվում չմնալ բաց երկնքի տակ: «Անհրաժեշտ է օգտագործել ջրով թրջված ութ շերտանի պաշտպանիչ դիմակներ», - նշել է բնապահպանը:-0-
