ՄՔՀ աշխատակիցները դրամ տեղափոխողների և ձեռներեցների վրա հարձակումներ գործելու կասկածանքով Մոսկվայի հյուսիսում ձերբակալել են երեք հայաստանցիների, ովքեր կողոպուտների ժամանակ զոհերին ներկայացել են որպես «արևի» հանցագործ խմբի մասնակիցներ, երեքշաբթի «ՌԻԱ Նովոստիին» հայտնեց ՄՔՀ մամուլի ծառայության ղեկավար Ալեքսեյ Բախրոմեևը։
«ՄՔՀ 8-րդ բաժնի աշխատակիցները կասկածյալներին ձերբակալել են Նովոալեքսեևյան փողոցում՝ Բրյանսկի մարզի ձեռնարկատերերի վրա հարձակվելուց անմիջապես հետո։ Այս անգամ չարագործների ավարը եղել էր 115 հազար ռուբլի»,- ասաց Բախրոմեևը։
Ըստ աշխատակիցների տվյալների՝ ձերբակալվածները, ովքեր երեք հայաստանցիներ էին, էթնիկ հանցավոր խմբի ակտիվ մասնակիցներիցներ են, խումբը գործում են մայրաքաղաքի հյուսիսում և սահմանակից շրջաններում։
Հանցագործները բոլոր հարձակումները վաղ առավոտյան են կատարել՝ ժամը մոտավորապես չորսից հինգը։ Նրանք ուղևորվել են արդյունաբերական գոտիներ և պահեստային տերմինալներ, որոնք տեղակայված են ՄՕԱՃ-ից ոչ հեռու, որտեղ հետևում էին զոհերին, որոնք հիմնականում վարորդներ, առաքիչներ և ձեռներեցներ են եղել, ովքեր Մոսկվա են եկել ապրանք գնելու։
Ավելի ուշ կողոպտիչները շրջապատել են մեքենան, որից հետո վարորդի և նրա ուղեկցի հասցեին լսվել են ֆիզիական ուժ ու զենք գործադրելու սպառնալիքներ, եթե նրանք չկատարեն «արևի եղբայրության» բոլոր պահանջները, պատմեց ՄՔՀ ներկայացուցիչը։
«Տվյալ պահին խուզարկուներին հայտնի է հինգ համանման ավազակային հարձակումների փաստ: Ձերբակալվածների նկատմամբ քննությունը շարունակվում է»,- ասաց Բախրոմեևը։ -0-
