ԵՐԵՎԱՆ, 2 օգոստոսի. /Նովոստի-Արմենիա/. Սմոգն ու այրվածի հոտը երկուշաբթի վերադարձել են մայրաքաղաք, հաղորդում է «ՌԻԱ Նովոստիի» թղթակիցը։
Հունիսի կեսերին կենտրոնական շրջան եկած անոմալ շոգը հանգեցրել է Պոդմոսկովյեում բռնկվող հրդեհների։ Արդյունքում մայրաքաղաքը պատված է ծխով արդեն մի քանի շաբաթ անընդմեջ։ Նախորդ շաբաթ մոսկվացիները շնչում էին այդ ծուխը երկուշաբթիից ուրբաթ, հանգստայան օրերին ծուխը մի փոքր ցրվել է, իսկ երկուշաբթի՝ կրկին սաստկացել։ Ներկայումս այրվածի հոտը զգացվում է քաղաքի ողջ տարածքում, մասնավորապես, այն նկատվում է հյուսիսում, արևմուտքում, ինչպես նաև Մոսկվայի կենտրոնում։
ԱԻՆ-ն օգոստոսի մեկի երեկոյան հայտնել է, որ անտառային հրդեհները նախորդ երկու օրերի ընթացքում չեն դիպել ոչ մի բնակելի տան, ոչ ոք չի տուժել։ Կիրակի օրվա ընթացքում առաջացել է հրդեհի 320 օջախ, մարվել է 210-ը։ Օրվա ընթացքում անտառային հրդեհների մակերեսը նվազել է 7 հազար հեկտարով և ներկայումա կազմում է 128 հազար հեկտար։
2010 թվականի հրդեհավտանգ ժամանակահատվածի սկզբից ՌԴ տարածքում առաջացել է բնական հրդեհների 22 930 օջախ 558 հազար հեկտար ընդհանուր մակերեսով, այդ թվում՝ ավելի քան 800 տորֆային հրդեհ։ ՌԴ-ի բնական հրդեհների արդյունքում զոհվել է 30 մարդ՝ հինգը Վորոնեժի մարզում, յոթը՝ Պոդմոսկովյեում, չորսը՝ Ռյազանի մարզում, 14-ը՝ Նիժնի Նովգորոդում։ -0-
