ԵՐԵՎԱՆ, 18 հունիսի. /Նովոստի-Արմենիա/. ԱՊՀ-ում Պատմամշակութային ժառանգության տարվան նվիրված հարցերն են քննարկվել ԱՊՀ հումանիտար ոլորտի համագործակցության մարմինների ղեկավարների համակարգող խորհրդակցության ժամանակ, որը տեղի է ունեցել Մինսկում: 2011 թվականը ԱՊՀ-ում Պատմամշակութային ժառանգության տարի է հայտարարված, «Նովոստի-Արմենիա» գործակալությանը տեղեկացրեց Հումանիտար համագործակցության միջպետական հիմնադրամի մամուլի քարտուղար Ալեքսանդր Կալուգինը:
Նրա խոսքերով` համակարգող խորհրդակցությունը տեղի է ունեցել ԱՊՀ մասնակից-պետությունների Հումանիտար համագործակցության խորհրդի (ՀՀԽ) նախագահ Ջահան Պոլիևայի նախաձեռնությամբ: Խորհրդակցությանը մասնակցել են ԱՊՀ հումանիտար ոլորտի բնագավառային համագործակցության մարմինների ղեկավարները, Համագործակցության կանոնադրական և այլ մարմիններում ԱՊՀ մասնակից-պետությունների մշտական լիազոր ներկայացուցիչները, ԱՊՀ մասնակից-պետությունների Հումանիտար համագործակցության միջպետական հիմնադրամի (ՀՀՄՀ) գործադիր տնօրեն Արմեն Սմբատյանը, ՀՀԽ-ի և ՀՀՄՀ-ի վարչության անդամները:
Ի կատարումն 2010 թ.-ի մայիսի 8-ին կայացած ԱՊՀ ոչ պաշտոնական գագաթնաժողովի որոշումների`այս խորհրդակցության ժամանակ քննարկվել են Համագործակցությունում Գիտության և նորարարությունների ընթացիկ տարվա միջոցառումների իրագործման հարցերը, ԱՊՀ մասնակից-պետությունների Ստեղծագործ և գիտական մտավորականության V ֆորումի նախապատրաստումը, ինչպես նաև ԱՊՀ 20-ամյակին նվիրված միջոցառումների ծրագրի իրագործումը, այդ թվում նաև հումանիտար բնույթի միջոցառումների իրականացումը:
Բացի դրանից քննարկվել են ԱՊՀ-ում Պատմամշակութային ժառանգության և Առողջ ապրելակերպի տարվան նվիրված (2010 թ.) հարցերը, որոնք սերտորեն շաղկապվել են ԱՊՀ մասնակից-պետությունների հումանիտար համագործակցության ոլորտում 2011-2012 թթ.-ին Առաջնահերթ միջոցառումների ծրագրի պատրաստման հետ:-0-
