Մոսկվայի դպրոցներում առկա ազգային խտրականությունը երեխաներին են փաթաթում մեծերը

Մոսկվայի հանրակրթական հաստատություններում ազգային խտրականության պատճառը դպրոցի սահմաններից դուրս մեծերի ազգային անհանդուրժողականությունն է, չորեքշաբթի հայտնել է Մոսկվայի Երեխայի իրավունքների հարցով լիազոր Եվգենի Բունիմովիչը, հաղորդում է ՌԻԱ Նովոստին:

«Խնդիրը հետազոտել են երկու խմբեր՝ Մոսկվայում և Սանկտ Պետերբուրգում: Արդյունքը սենսացիոն է եղել՝ պարզվել է, որ նման խնդիրներ է ստեղծում ոչ մանկական միջավայրը»,- դպրոցականներին նվիրված մամուլի ասուլիսի ժամանակ ասել է նա:

Բունիմովիչը պարզաբանել է, որ մեծանալով երեխաները սկսում են քննել մեծերի հարաբերություններն ու դրանք վերարտադրել դպրոցական միջավայրում, այն դեպքում, երբ փոքր տարիքի դպրոցականների միջավայրում այդ խնդիրը գրեթե չի առաջանում:

«Մեր խնդիրն է արտագաղթած ընտանիքների երեխաներին դաստիարակելը, մեր մշակույթին հաղորդակից դարձնելը, քանի որ նրանցից շատերի, ինչպես օրինակ, մուսուլմանների համար դպրոցը միակ սոցիալացման միջոցն է համարվում»,- ասել է Բունիմովիչը:

«Դպրոցը պետք է այն միջավայրը լինի, որտեղ երեխաներն ընկերություն են անում, այլ ոչ թե ազգային պատկանելության հարցեր պարզում»,- եզրափակել է նա: -0-