Ռուսաստանը կողջուներ Ուկրաինայի մասնակցությունը ՀԱՊԿ-ին. Մեդվեդև
ԵՐԵՎԱՆ, 18 մայիսի./Նովոստի-Արմենիա/. Ռուսաստանը կողջուներ Հավաքական անվտանգության պայմանագրի կազմակերպությանը (ՀԱՊԿ) Ուկրաինայի մասնկացությունը, բայց նման որոշում կարող է կայացնել միայն Կիևը, հայտարարեց ՌԴ նախագահ Դմիտրի Մեդվեդևը Կիևի Շևչենկոյի անվան պետական համալսարանի ուսանողների հետ հանդիպման ժամանակ, հաղորդում է «ՌԻԱ Նովոստին»։
ՀԱՊԿ կազմում են Հայաստանը, Բելառուսը, Ղազախստանը, Ղրղզստանը, Ռուսաստանը, Տաջիկստանը և Ուզբեկստանը։
«Այն, ինչ ասվել է նախագահ Յանուկովիչի կողմից Ուկրաինայի արտադաշինքային բնույթի վերաբերյալ, ինձ՝ որպես ՌԴ նախագահի, առկա դրությունը միանգամայն ձեռնտու է, քանի որ դա լիովին համապատասխանում է մեր շահերին, և, իմ կարծիքով, միանգամայն համապատասխանում է ուկրաինացի ժողովրդի մեծ մասի ցանկությանը»,- ասաց Մեդվեդևը։
«Բայց կյանքը փոխվում է։ Եթե ապագայում դուք ձեզ համար ճիշտ համարեք միանալ ՀԱՊԿ-ը, մենք, իհարկե, ուրախ կլինենք ձեզ հրավիրել և ընդունել, բայց դա պետության ինքնուրույն որոշում է, և այն պետք է մտածված և լուրջ լինի»,- ավելացրեց ՌԴ նախագահը՝ նշելով, որ «այդ հարցի մասին որոշումը պետք է ինքը՝ ՈՒկրաինան կայացնի»։
«Եթե հետաքրքիր է մասնակցել ՀԱՊԿ-ին՝ welcome։ Եթե որոշ կասկածներ կան, մենք դրան հարգանքով ենք վերաբերվում»,- ասաց Մեդվեդևը։
Ըստ նրա՝ կարևոր է, թե ինչպես են ուկրաինական իշխանություններն ու ուկրաինացի ժողողվուրդը տեսնում իրենց տեղը Եվրապայում։ «Եթե այն չեզոք, անկախ պետություն է, մեզ դա լիովին բավարարում է»,- նշեց ռուս առաջնորդը։
Նա նաև ընդգծեց այդ կազմակերպության բոլոր անդամների կողմից ՀԱՊԿ պահանջները կատարելու կարևորությունը։
«Փորձեք ՆԱՏՕ-ում ինչ-որ բան չկատարել. խնդիրներ կառաջանան։ Ես կարծում եմ, որ կիրառելի է ՀԱՊԿ-ի և մյուս ինտեգրացիոն միավորումների համար, որ մենք մեր ինքնակարգապահություն ունենանք, ինչը մեզ մոտ միշտ չէ, որ ստացվում է»,- ասաց Մեդվեդևը։
Պատասխանելով այն հարցին, թե արդյո՞ք ՀԱՊԿ-ն ստեղծվել է որպես ՆԱՏՕ-ի հակակշիռ, նախագահը նշեց. «Ոչ, ՀԱՊԿ-ն այլ նպատակների համար է ստեղծվել»։ -0-
