Հայրենական մեծ պատերազմում տարած Մեծ Հաղթանակի 65-ամյակի կապակցությամբ Համագործակցության երկրների ժողովուրդներին և աշխարհի հասարակությանը հղած ուղերձում ԱՊՀ երկրների ղեկավարները ֆաշիզմի դեմ պայքարում կատարած ներդրման և ընդհանուր պատմական հերոսության համար կոչ են անում աճող սերնդին դաստիրակել հպարտության զգացումով:
«Հաստատելով մեր նվիրվածությունը միջազգային իրավունքի համընդհանուր ճանաչում գտած սկզբունքներին ու նորմերին, ՄԱԿ-ի Կանոնադրության դրույթներին և Հելսինկիի Եզրափակիչ ակտին՝ մենք կոչ ենք անում անվտանգության և կայունության ամրապնդման գործում ակտիվ փոխգործակցությանն աշխարհում, միջազգային ահաբեկչության և ծայրահեղականության դեմ պայքարում ջանքերի ծավալմանը, առկա ընդհարումների խաղաղ քաղաքական կարգավորմանը և հնարավոր ընդհարումների կանխարգելմանը»,- ասվում է ԱՊՀ երկրների ղեկավարների ուղերձում, որը չորեքշաբթի «Նովոստի-Արմենիա» գործակալությանն է տրամադրվել Հայաստանի նախագահի մամուլի ծառայությունից:
Հաղորդագրությունում նշվում է, որ լարվածությամբ ու դաժանությամբ աննախադեպ պատերազմում Խորհրդային միության բազմազգ ժողովուրդը և նրա Զինված ուժերը պաշտպանեցին իրենց Հայրենիքի ազատությունն ու անկախությանը` աշխարհի բազմաթիվ երկրները զերծ պահելով ֆաշիստական ստրկացումից:
«Ճակատում ու թիկունքում մեր ժողովուրդները ցուցաբերեցին անձնազոհություն և զանգվածային հերոսություն, հայրենասիրություն ու ինտերնացիոնալիզմ, աննախադեպ տոկունություն, առանց որոնց հաղթանակն անհնարին կլիներ: Պատմությունը նման անսասանություն չէր տեսել: Չեր տեսել նա և հաղթանակի հանդեպ նման կամք»,- ասվում է փաստաթղթում:
ԱՊՀ երկրների ղեկավարները կոչ են անում ոչ միայն խոսքով, այլ նաև այլև գործով հարգանքի տուրք մատուցել հաղթած հերոսներին, առօրյա խնամք և ուշադրություն ցուցաբերել պատերազմի մասնակիցներին և թիկունքի աշխատավորներին, նրանց համար ստեղծել կյանքի արժանավայել պայմաններ:
«Մայիսի 9-ը` Հաղթանակի օրը, մնում է մեր մարդկանց համար արդարության, հաղթանակի, հպարտության և այս չափազանց դաժան ու սարսափելի ճակատամարտում զոհված միլիոնների համաժողովրդական հիշատակի օրը: Մեզ համար սուրբ և թանկ են նրանց անունները, ովքեր քաջի մահով ընկան Հայրենական Մեծ պատերազմի տարիներին: Մենք անհատույց պարտական ենք նրանց, ովքեր իրենց կյանքի գնով պաշտպանեցին Հայրենիքը, հետևաբար` մեր ազատությունը:
Մենք չենք մոռանա աշխարհը ֆաշիզմից փրկած զինվորներին և թիկունքի աշխատավորներին»,- ասվում է հաղորդագրությունում:
«Հաղթանակը մենք չենք բաժանում անձնականի և օտարի, միշտ արժանին ենք հատուցում նրանց քաջությանը, ովքեր դիմագրավեցին նացիզմին: Մենք հիշում ենք հակահիտլերյան կոալիցիայի մեր դաշնակիցների ներդրումը Հաղթանակի գործում նրանց ցուցաբերած օգնության մասին: Սակայն, առավել մասշտաբային և, վերջին հաշվով, գլխավոր իրադարձությունները տեղի ունեցան խորհրդա-գերմանական ճակատում: Պատերազմի տարիներին մեր երկրները կորցրեցին տասնյակ միլիոն քաղաքացիներ: Ճակատամարտերի դաշտերում զոհվածների մեջ կային բոլոր ազգությունների ներկայացուցիչներ»,- նշվում է ԱՊՀ երկրների առաջնորդների հաղորդագրությունում: -0-
