Անհայտ անձինք ավելի քան 30 տոննա կարմիր ձկնկիթ են գողացել Մոսկովյան պահեստից

ԵՐԵՎԱՆ, 9 փետրվարի. /Նովոստի-Արմենիա/. Անհայտ անձինք ավելի քան 30 տոննա կարմիր ձկնկիթ են գողացել Մոսկվայի հարավ-արևելքում գտնվող պահեստից, հանցագործության մասին հայտնի է դարձել երկուշաբթի, երեքշաբթի «ՌԻԱ Նովոստիին» հայտնել է աղբյուրը քաղաքի իրավապահ մարմիններից։

Ըստ նրա՝ ոստիկանություն է դիմել Միխայլովյան փողոց 1 հասցեով պահեստների համալիրի տարածքում տարածք վարձակալող մասնավոր ֆիրմայի տնօրենը։

«Ֆիրմայի տնօրենը հանդես է եկել հայտարարությամբ, որ փետրվարի 6-ին ժամը 09։00-ից մինչև փետրվարի 8-ի 12։00-ն անհայտ անձինք մուտք են գործել համալիրի տարածք, որտեղ տվյալ ֆիրմայի կողմից վարձակալվող շենքից գողացել են սաղմոն ձկնատեսակների 30 տոննա ձկնկիթ»,- ասել է գործակալության  զրուցակիցը։

Նա ավելացրել է, որ պատահարի հանգամանքները և վնասի չափը ճշտվում է։ Հարուցվում է քրեական գործ։ -0-