Վրաստանի ֆուտբոլի ֆեդերացիայի նախագահը հրաժարական է տվել

Վրաստանի ֆուտբոլի ֆեդերացիայի (ՎՖՖ) նախագահ Նոդար Ախալկացին ազատվել է զբաղեցրած պաշտոնից, հինգշաբթի հայտնել է վրացական «Ռուսթավի-2» հեռուստաընկերությունը, հաղորդում է «ՌԻԱ Նովոստին»։

Հեռուստաընկերության հաղորդմամբ՝ Նոդար Ախալկացիի հրաժարականի պատճառները ինքն անձամբ կհայտնի օրվա երկրորդ կեսին նախատեսված ճեպազրույցում։ Սպասվում է, որ ՎՖՖ ղեկավարի պաշտոնին կհավակնեն երկու անձինք՝ «Բիլայնի» վրացական ներկայացուցչի՝ «Մոբիտել» ընկերության  գլխավոր տնօրեն Մերաբ Շարանգիան, ինչպես նաև Զուգդիդիի «Բայա» ֆուտբոլային ակումբի սեփականատեր Զվիադ Սիչինավան։

Նոդար Ախալկացին Վրաստանի ֆուտբոլի ֆեդերացիայի նախկին ղեկավար և թբիլիսյան «Դինամոյի» մարզիչ, այժմ հանգուցյալ Նոդար Ախալկացիի որդին է։ Նա ընտրվել է այդ պաշտոնում 2005 թվականի մայիսին՝ 29 տարեկան հասակում։ Այն ժամանակ Ախալկացի-կրտսերի օգտին քվեարկել էր Ֆեդերացիայի 26 անդամներից 25-ը։ -0-