Սերգեյ Միխալկովին հրաժեշտ կտա պատրիարք Կիրիլը

ԵՐԵՎԱՆ, 28 օգոստոսի. /Նովոստի-Արմենիա/. Մոսկվայի և համայն Ռուսիո պատրիարք Կիրիլը շաբաթ օրը Քրիստոս Փրկչի տաճարում հրաժեշտ կտա նախօրեին վախճանված հայտնի բանաստեղծ և հասարակական գործիչ Սերգեյ Միխալկովին, տեղեկացնում է Մոսկվայի պատրիարքարանի մամուլի ծառայության ներկայացուցիչը, հաղորդում է ՌԻԱ Նովոստին։

Նրա խոսքերով, ավելի վաղ շաբաթ առավոտյան Զարայսկի եպիսկոպոս Մերկուրին Քրիստոս Փրկչի տաճարում հոգեհանգստի կարգ կմատուցի։ Ռուսական ուղղափառ եկեղեցու առաջնորդը տաճար կժամանի Մոսկվայի ժամանակով 11։00-ին։

Սպասվում է, որ պատրիարքը հրաժեշտի խոսք կասի հանգուցյալի դագաղի մոտ։ Նա լավ է ճանաչում Սերգեյ Միխալկովի ընտանիքին, նրա որդիներ Անդրեյ Կոնչալովսկուն և Նիկիտա Միխալկովին, բազմիցս հանդիպել է նաև հանգուցյալի հետ։ -0