A/H1N1 գրիպով վարակվածության հաստատված դեպքերի թիվը Ռուսաստանում հասել է 180-ի. Օնիշչենկո

ԵՐԵՎԱՆ, 19 օգոստոսի. /Նովոստի-Արմենիա/. A/H1N1 գրիպով վարակվածության հաստատված  դեպքերի թիվը Ռուսաստանում հասել է 180-ի, տեղեկացրել է ՌԴ գլխավոր պետական բժիշկ Գենադի Օնիշչենկոն։

«Ներկայում 180 դեպք է գրանցված։ Բայց այնպիսի հիվանդության համար, ինչպիսին  այս գրիպն է, այս թիվը շատ փոքր է»,- ասել է Օնիշչենկոն, ում խոսքերը մեջբերում է «Էխո Մոսկվի» ռադիոկայանը։

«Ինչպես և ենթադրվում էր, A/H1N1 գրիպի բացահայտած դեպքերի աճը  ՌԴ քաղաքացիների շրջանում տեղի է ունենում արտերկրից վերադարձող կազմակերպված խմբերի հաշվին»,- նշել է Ռոսպետրեբնադզորի ղեկավարը։

Մասնավորապես, նրա խոսքերով, Բուլղարիայից Ռուսաստանի ավելի քան 10 տարածաշրջան են վերադարձել երեխաներ՝ ուղեկցող մեծահասակների հետ։ Նրանցից ոմանց մոտ բացահայտվել են հարբուխի նշաններ, մյուս մասի մոտ հաստատվել է A/H1N1 գրիպը։

A/H1N1 գրիպի զոհերի թիվն աշխարհում գերազանցել է 2 հազարը, իսկ հիվանդացածների թիվը հասնում է 230 հազարի, երկուշաբթի հայտնել է Ռոսպոտրեբնադզորի մամուլի ծառայությունը՝ հղում անելով Առողջապահության համաշխարհային կազմակերպության տարածաշրջանային բյուրոների տվյալներին։ -0-