Մոսկվայում բացվել է ԱՊՀ երկրների երիտասարդ ռեժիսորների լաբորատորիան

ԱՊՀ երկրների երիտասարդ ռեժիսորների լաբորատորիան է անցկացվում հունիսի 23-30-ը Մոսկվայում՝ Ա.Պ.Չեխովի անվան ութերորդ միջազգային փառատոնի շրջանակներում, հինգշաբթի «Նովոստի-Արմենիա» գործակալությանը հայտնեց ԱՊՀ երկրների Հումանիտար համագործակցության միջազգային հիմնադրամի (ՀՀՄՀ) մամուլի քարտուղար Ալեքսանդր Կալուգինը:

«Լաբորատորիան, որին մասնացկում են 23 ռեժիսորներ Հայաստանից, Բելառուսից, Մոլդովայից, Տաջիկստանից, Ուզբեկստանից, Ադրբեջանից, Ուկրաինայից, կազմակերպել է Թատերական միությունների միջազգային համադաշնությունը՝ Հումանիտար համագործակցության միջազգային հիմնադրամի աջակցությամբ», - նշեց Կալուգինը:

Նրա խոսքերով՝ լաբորատոր պարապմունքները՝ «Ռեժիսորի աշխատանքը դերասանի հետ» թեմայով, կանցկացնեն տարբեր սերունդների և դպրոցների ռեժիսորներ՝ Ադոլֆ Շապիրոն (Լատվիա), Կիրիլ Սերեբրյաննիկովը (Ռուսաստան) և Դեկլան Դոնելանը (Մեծ Բրիտանիա): Թատրոնի ժամանակակից հիմնական միտումների մասին դասախոսություն կկարդա արվեստագիտության դոկտոր, պրոֆեսոր Ալեքսեյ Բարտոշևիչը:

Հայաստանից միջոցառմանը մասնակցում են երիտասարդ ռեժիսորներ Գրիգոր Խաչատրյանը, Ցոլակ Գալստյանը, Դավիթ Հարությունյանը, Լուսինե Երնջակյանը, Սուրեն Շահվերդյանը: --0--