Մոսկվայում փնտրում են թիկնապահին, ով կասկածվում է իր գործատուից 16 միլիոն ռուբլի գողանալու մեջ

ԵՐԵՎԱՆ, 23 հունիսի. /Նովոստի-Արմենիրա/. Միլիցիան Մոսկվայում փնտրում է թիկնապահին, ով կասկածվում է իր գործարար-գործատուի ավտոմեքենան առևանգելու մեջ, որտեղ 16 միլիոն ռուբլի է եղել, երեքշաբթի «ՌԻԱ Նովոստին» է տեղեկացրել Մոսկվայի իրավապահ մարմինների աղբյուրը:

Նրա խոսքերով, դեպքը տեղի է ունեցել երկուշաբթի երեկոյան Սամոտեչնայա նրբանցքի մերձակայքում: ««02» ծառայությանն է դիմել առևտրային բանկի փոխնախագահը, ով հայտարարել է, որ իր թիկնապահն առևանգել է իր Folkswagen Caddy ավտոմեքենան, որի սրահում 16 միլիոն ռուբլի կար», - ասել է գործակալության զրուցակիցը:

Նա նշել է, որ ավտոմեքենան և թիկնապահին փնտրելու համար քաղաքի տարածքում «թեժ գծով հետախուզման» ծրագիր է հայտարարվել:

«Երեքշաբթի մոտավորապես ժամը 2:00-ին (Երևանի ժամանակով ժամը 3:00-ին) գործարարը կրկին դիմել է «02» ծառայությանը և հայտարարել, որ գտել է իր ավտոմեքենան Դելեգատսկայա փողոցի վրա», - ավելացրել է գործակալության զրուցակիցը՝ պարզաբանելով, որ գտնված մեքենայում գումարը չի հայտնաբերվել:

Նախնական տվյալներով՝ չարագործի գործողությունների հետևանքով ընդհանուր կորուստը 16 միլիոն ռուբլի է գնահատվում:

Փաստի առթիվ հարուցվել է քրեական գործ ՌԴ ՔՕ 158-րդ հոդվածի 4-րդ մասի (առանձնապես խոշոր չափերի կողոպուտ՝ կազմակերպված հանցավոր խմբի կողմից), որը մինչև տասը տարի ազատազրկում է նախատեսում:-0-