Մոսկվայի միջազգային փառատոնին Բելառուսի հայերին կներկայացնի «Էրեբունի» համույթը

ԵՐԵՎԱՆ, 3 հունիսի. /Նովոստի-Արմենիա/. «Էրեբունի» ազգագրական պարերի համույթը ևս տասը կոլեկտիվների և մասնակիցների հետ միասին կներկայացնի Բելառուսի հայերին Մոսկվայի միջազգային հայկական «Կարոտ» փառատոնի եզրափակչում, տեղեկացնում է Ռուսաստանի հայերի «Երկրամաս» թերթը։

Համույթը դարձել է 2009 թվականի մայիսի 31-ին առաջին անգամ Մինսկում անցկացված «Կարոտ-Միասին» գալա-համերգի լավագույն կատարող։ Միջոցառումը նվիրված է եղել Հայաստանի Հանրապետության օրվան։

«Կարոտ» փառատոնն ամեն տարի անցկացվում է Ռուսաստանում Կրեմլի պետական պալատում։ Բելառուսի հայերի Մինսկի փառատոնի հաղթողները հնարավորություն ստացան մասնակցելու այդ մշակութային շոուին։ 

«Կարոտ» միջազգային փառատոնի բացման ողջույնի խոսքում Ամենայն Հայոց Գարեգին Բ Կաթողիկոսը նշեց, որ «միջոցառումը կազմակերպիչների վեհ առաքելության ճշմարիտ վկայությունն է՝ աջակցել Հայրենիքից հեռու ապրող հայերին, ովքեր ազգային մշակույթի միջոցով պահպանում են համամարդկային արժեքները»։

Փառատոնի կազմկոմիտեն Բելառուսի հայկական համայնքի հասարակական կազմակերպություններին ցուցաբերած օգնության և աջակցության համար շնորհակալություն է հայտնել Բելառուսի կրոնի և ազգությունների գործերի  լիազորներին, Մշակույթի նախարարությանն առընթեր ազգային մշակույթների կենտրոնին, Բելառուսում ՀՀ դեսպանությանը։ -0-