ՌԻԱ Նովոստի և Ինտերֆաքս տեղեկատվական գործակալությունները թողարկել են համատեղ տեղեկատվական նախագիծ, որի հիմնական ուղղվածությունը դաշնային մակարդակի հանրային առումով նշանակալից մուլտիմեդիոն նորությունները տարածաշրջանային ԶԼՄ-ներին անվճար տրամադրելը կլինի։
«Այս նախագիծը շատ հարցերում հեղափոխական է, քանի որ երկու մրցակցող գործակալություն՝ Ինտերֆաքս անկախ գործակալությունն ու ՌԻԱ Նովոստի դաշնային պետական գործակալությունը, առաջին համատեղ տեղեկատվական փաթեթն են իրականացնում»,- ասաց ՌԻԱ Նովոստիի գլխավոր խմբագիր Սվետլանա Միրոնյուկը։
Կապի ու զանգվածային հեռահաղորդակցությունների փոխնախարար Ալեքսանդր Ժարովի խոսքով, ճգնաժամի պայմաններում ավելի շատ է պետք սատարել տարածաշրջանային ԶԼՄ-ներին, հաղորդում է ՌԻԱ Նովոստին։
«Այս միջոցը մշտական չի լինելու, այն ճգնաժամային է, ժամանակավոր՝ հաշվարկված այն ԶԼՄ-ների աջակցության համար, որոնք հայտնվել են ծանր ֆինանսական դրության մեջ»,- ասաց Ժարովը ՌԻԱ Նովոստիում տված մամուլի ասուլիսի ժամանակ։ Առայժմ ստացողների ցուցակում 600 ԶԼՄ-ներ են, բայց այն ընդլայնվելու է։ -0-
