Վրացական ընդդիմությունն ապաշրջափակել է Թբիլիսիի երկաթուղին

Վրացական ընդդիմությունը, որը նախօրեին երեկոյան շրջափակել էր Թբիլիսիում գտնվող երկաթուղին՝ պահաջնելով Վրաստանի նախագահ Միխայիլ Սահակաշվիլու հրաժարականը, որոշել է դադարեցնել շրջափակումը, հաղորդում է «ՌԻԱ Նովոստիի» թղթակիցը։

Որոշումը հնչեցրել է «Նոր աջեր» քաղաքական միավորման առաջնորդ Դավիթ Գամկրելիձեն։ «Տեղեկատվություն է ստացվել այն մասին, որ ծրագրվում է ցրել Ռուսթավելու պողոտայի ակցիան, այդ պատճառով մեզ անհրաժեշտ է այնտեղ ամրապնդել մեր դիրքերը», - ասել է Գամկրելիձեն։

Նախօրեին «Շարժում՝ հանուն միասնական Վրաստանի» կուսակցության առաջնորդներից մեկը՝ Էկա Բեսելիան, հայտարարել է, որ երկաթուղու շրջափակումը «նախազգուշական ակցիա է» և կշարունակվի մի քանի ժամ։

Երեքշաբթի վրացական ընդդիմությունը հայտարարել է, որ անցնում է «ամենաարմատական գործողությունների»։-0-