Հացահատիկի համաշխարհային արտադրության վիճակի և հեռանկարների հարցերին նվիրված համաշխարհային հացահատիկի ֆորում կանցկացվի հունիսի 6-7-ը Սանկտ-Պետերբուրգում՝ պարենային անվտանգության ապահովման համատեքստում, հաղորդում է «ՌԻԱ Նովոստին»։
«Համաժողովին մասնակցելու նպատակով հրավիրված են 65 երկրների գյուղատնտեսության նախարարներ, միջազգային կազմակերպությունների, ֆինանսական ինստիտուտների, գյուղատնտեսական արտադրողների ազգային և միջազգային միավորումների ղեկավարներ, շուկայի մասնակիցներ և փորձագետներ։ Դա նման մասշտաբի առաջին միջոցառումն է Ռուսաստանում և հատուկ նշանակություն է ստանում համաշխարհային ֆինանսատնտեսական ճգնաժամի պայմաններում»,- ասվում է համաժողովի կազմկոմիտեի մամուլի հաղորդագրությունում։
Կազմկոմիտեում պարզաբանել են, որ համաժողովի՝ հացահատիկի շուկային ուղղված թեմատիկան կապված է այն բանի հետ, որ այն ագրոարտադրության հիմքը և բազային արտադրանքն է, որն ապահովում է բնակչության պարենային անվտանգությունը։
«Համաժողովի ծրագրում հացահատիկի արտադրության, իրացման և համաշխարհային առևրտրի երկարաժամկետ հեռանկարների վիճակի, դրանց կառուցվածքի փոփոխման սցենարների, հացահատիկային արտադրության և շուկայի զարգացման ծրագրերի ֆինանսավորման, հացահատիկի մատչելիության ապահովման նոր մեխանիզմների ձևավորման և հացահատիկի կայունացման համաշխարհային հիմնադրամի ստեղծման քննարկումն է»,- նշվում է մամուլի հաղորդագրությունում։
Հանդիպման մասնակիցներն առանձին կդիտարկեն Ռուսաստանի, Ուկրաինայի և Ղազախստանի՝ որպես հացահատիկի համաշխարհային արտադրողների ներուժը և նրանց ներդրումը պարենային անվտանգության ապահովման գործում։
Կազմակերպիչների կարծիքով՝ կարծիքների փոխանակումը համաժողովի շրջանակներում նախադրյալներ կստեղծի հավասարակշրված և ռացիոնալ մոտեցումներ մշակել հացահատիկի արտադրության զարգացման խնդիրների լուծման, մասնավորապես, փորձագետների գլոբալ ցանցի ձևավորման վերաբերյալ՝ գիտական վերլուծության և պահանջների և հետագա ռիսկերի բացահայտման նպատակով։
Համաշխարհային հացահատիկի համաժողովն անցկացվում է ՌԴ Կառավարության, ՌԴ գյուղատնտեսության նախարարության և Ռուսական հացահատաիկային միության կողմից՝ ՄԱԿ-ի պարենային և գյուղատնտեսական կազմակերպության, Համաշխարհային բանկի, Վերակառուցման և զարգացման Եվրոպական բանկի, այլ կազմակերպությունների աջակցությամբ։ Համաշխարհային հացահատիկային ֆորումի անցկացման վերաբերյալ ՌԴ նախագահ Դմիտրի Մեդվեդևի նախաձեռնությունը ստացել է «Ութի խմբի» պետությունների ղեկավարների և կառավարությունների աջակցությունը՝ Ճապոնիայում 2008 թվականի հունիսին կայացած հանդիպման ժամանակ։
Համաժողովի մասին լրացուցիչ տեղեկատվություն կարելի է ստանալ www.grain-forum.com կայքում։
ՌԻԱ Նովոստին հանդես է գալիս որպես այդ միջոցառման գլխավոր տեղեկատվական հովանավոր։ -0-
