Ռուսական կինոթատրոնները ճգնաժամի հետևանքով հնարավոր է՝ մինչև 190 կինոդահլիճ փակեն, հինգշաբթի գրում է «Կոմերսանտ» թերթը:
Դա կարող է տեղի ունենալ այն պատճառով, որ վարձակալությամբ կինոներ տրամադրող ընկերությունները կրճատում են ֆիլմերի կրկնօրինակման թիվը, հստակեցնում է թերթը:
Ճգնաժամն առանց այդ էլ հասել էր երկրի կինոթատրոնների ցանցի զարգացմանը: Այս տարվա առաջին կիսամյակում բացվել էր 60 նոր կինոդահլիճ՝ նախորդ տարվա նույն ժամանակահատվածի 116-ի փոխարեն, ևս 26-ն արդեն փակվել է, հաշվել է «Նևաֆիլմ» ընկերությունը:
«Նևաֆիլմի» տվյալներով, 2009 թվականի մարտի 31-ի տվյալներով Ռուսաստանում հաշվվում է շուրջ 1,9 հազար կինոդահլիճ՝ 742 կինոթատրոնում:
«Նախորդ տարում կինոցուցադրության բուռն աճ գրանցվեց՝ բացվեցին նախագծեր, որոնք կառուցվեցին 2006-2007թվակններին,- բացատրում է «Նևաֆիլմ Research»-ի առաջնակարգ վերլուծաբան Քսենիա Լեոնտևան:- Այս տարի մինչև ճգնաժամն արդեն իսկ գրանցվել էր տեմպերի դանդաղեցում, իսկ ճգնաժամն էլ իր հերթին հանգեցերեց բազում նախագծերի դադարեցման»:
Այս տարվա առաջին երեք ամսում փակվել է նաև վեց կինոթատրոնի 26 կինոդահլիճ՝ 2008 թվականի ութ կինոթատրոնի տասը կինոդահլիճի համեմատ: «Փակվել են «Կարո-ֆիլմը», Արտսայնս Սինեմայի երկու կինոթատրոն: Այն դեպքում, երբ նախորդ տարի փակվում էին միայն փոքրաքանակ դահլիճները, որոնք չէին դիմանում ցանցերի հետ մրցակցությանը»,- պատմել է Լեոնտևան:-0-
